سىر ٶڭٸرٸنٸڭ ەلەۋمەتتٸك-ەكونوميكالىق دامۋىنا ٶلشەۋسٸز ٷلەس قوسقان مەملەكەت جەنە قوعام قايراتكەرٸ نەلقوجا اقبالاۇلى ەرگەشباەۆتى ەسكە الۋعا ارنالعان توعىزقۇمالاقتان حالىقارالىق تۋرنيردٸڭ سالتاناتتى اشىلۋ رەسٸمٸ ٶتتٸ, دەپ حابارلايدى Dalanews.kz
تاعىلىمى مول شاراعا وبلىس ەكٸمٸنٸڭ بٸرٸنشٸ ورىنباسارى دانييار ەرەنعاليۇلى, وبلىستىق ارداگەرلەر كەڭەسٸنٸڭ تٶراعاسى سەرٸك دٷيسەنباەۆ, وبلىستىق مەسليحاتتىڭ تۇراقتى كوميسسييا تٶراعاسى باۋىرجان سەندٸباەۆ, قالالىق ارداگەرلەر كەڭەسٸنٸڭ تٶراعاسى ٶمٸربەك شەمەنوۆ, قازاقستاننىڭ ەڭبەك ەرلەرٸ ابزال ەراليەۆ پەن يمامزادا شاعىرتاەۆ, وبلىستىق مەسليحات دەپۋتاتى جورابەك نۇرىمبەتوۆ, «توعىزقۇمالاق سپورتى فەدەراتسيياسى» زاڭدى تۇلعالار بٸرلەستٸگٸنٸڭ ۆيتسە-پرەزيدەنتٸ, ۇلتتىق قۇرامانىڭ باس جاتتىقتىرۋشىسى اينۇر جاقاپباەۆا, قوجا احمەت ياسساۋي ۋنيۆەرسيتەتٸنٸڭ «حالىقارالىق تٷركٸ زيياتكەرلٸك ويىندار» ورتالىعىنىڭ باسشىسى, حالىقارالىق دەرەجەدەگٸ تٶرەشٸ قاشىمحان دەۋرەنقۇلوۆ, قىزىلوردا وبلىستىق توعىزقۇمالاق زيياتكەرلٸك قاۋىمداستىعىنىڭ پرەزيدەنتٸ ەبدٸقادىر ەرگەشباەۆ قاتىستى.
— ايماعىمىزدىڭ ٶركەندەۋٸنە بار كٷش-جٸگەرٸن ارناپ, ەل يگٸلٸگٸ جولىندا ايانباي قىزمەت ەتكەن ازاماتتاردىڭ ەسٸمٸن ۇلىقتاۋ – بارشامىزعا ورتاق پارىز. نەلقوجا اقبالاۇلى – سانالى عۇمىرىن حالىق يگٸلٸگٸنە ارناعان, جاستاردىڭ بٸلٸمدٸ دە بەسەكەگە قابٸلەتتٸ بولىپ قالىپتاسۋىنا ايرىقشا كٶڭٸل بٶلگەن بٸرەگەي تۇلعا. ونىڭ باستاماسىمەن ٶڭٸرٸمٸزدە بٸرقاتار سپورت نىساندارى مەن مەدەنيەت وشاقتارى بوي كٶتەردٸ. بٷگٸنگٸ دەستٷرلٸ حالىقارالىق تۋرنير – سول ەڭبەكتٸڭ جارقىن جالعاسى دەپ بٸلەمٸن. بٷگٸنگٸ دودادا ناعىز مىقتى سپورتشىلار توپ جارىپ, جەڭٸس تۇعىرىنان كٶرٸنەدٸ دەپ سەنەمٸن, — دەدٸ وبلىس ەكٸمٸنٸڭ بٸرٸنشٸ ورىنباسارى.
ايتا كەتەيٸك, دەستٷرگە اينالعان حالىقارالىق تۋرنير بيىل توعىزىنشى رەت ۇيىمداستىرىلىپ وتىر. بايراقتى بەسەكەگە قىرعىزستان, ەزٸربايجان, تٷرٸكمەنستان, اۋعانستان مەملەكەتتەرٸنەن جەنە ەلٸمٸزدٸڭ بارلىق ٶڭٸرٸنەن كەلگەن 450-گە جۋىق سپورتشى ٶزارا سايىسادى.
7-شٸ ناۋرىزعا دەيٸن جالعاساتىن جارىس قورىتىندىسى بويىنشا جەڭٸمپازدار مەن جٷلدەگەرلەر ارنايى مەدالدار جەنە ديپلومدارمەن ماراپاتتالادى.
