ونىڭ ايتۋىنشا، قازاقستان ءۇشىنشى مەملەكەتتەردىڭ ىشكى ىسىنە ارالاسپاۋ قاعيداتىن ۇستانادى جانە قاقتىعىستا ەشبىر تاراپتى قولدامايدى.
"قازاقستان اسكەري تەكەتىرەستەس بولماعانىن قالايدى، ال تۋىنداعان جاعدايدا ماسەلە ديپلوماتيالىق جولمەن، حالىقارالىق قۇقىق پەن بۇۇ جارعىسىنا سايكەس شەشىلۋگە ءتيىس دەپ ەسەپتەيدى"، - دەدى ول.
سونداي-اق، ءسىم وكىلى قازاقستان قاجەت بولعان جاعدايدا كەلىسسوز وتكىزۋگە الاڭ ۇسىنۋعا دايىن ەكەنىن ايتتى. الايدا بۇل ءۇشىن قاقتىعىسۋشى تاراپتاردىڭ رەسمي ءوتىنىشى بولۋى كەرەك.
ول قازاقستاننىڭ مۇنداي تاجىريبەسى بار ەكەنىن ەسكە سالدى. ارمەنيا مەن ازەربايجان اراسىنداعى كەلىسسوزدەرگە الماتىدا الاڭ ۇسىنىلعان. سونىمەن قاتار، سيريا بويىنشا 20-دان اسا كەلىسسوز راۋندى وتكەن. دەسە دە ءقازىر قازاقستانعا مۇنداي ءوتىنىش تۇسپەگەن.
