Qazaqstan Taiaý Shyǵystaǵy qaqtyǵysqa qatysty beitarap ustanymyn saqtaidy. Bul týraly syrtqy ister ministriniń orynbasary Álibek Baqaev málimdedi, dep habarlaidy Dalanews.kz.
Onyń aitýynsha, Qazaqstan úshinshi memleketterdiń ishki isine aralaspaý qaǵidatyn ustanady jáne qaqtyǵysta eshbir tarapty qoldamaidy.
"Qazaqstan áskeri teketirestes bolmaǵanyn qalaidy, al týyndaǵan jaǵdaida másele diplomatiialyq jolmen, halyqaralyq quqyq pen BUU jarǵysyna sáikes sheshilýge tiis dep esepteidi", - dedi ol.
Sondai-aq, SIM ókili Qazaqstan qajet bolǵan jaǵdaida kelissóz ótkizýge alań usynýǵa daiyn ekenin aitty. Alaida bul úshin qaqtyǵysýshy taraptardyń resmi ótinishi bolýy kerek.
Ol Qazaqstannyń mundai tájiribesi bar ekenin eske saldy. Armeniia men Ázerbaijan arasyndaǵy kelissózderge Almatyda alań usynylǵan. Sonymen qatar, Siriia boiynsha 20-dan asa kelissóz raýndy ótken. Dese de qazir Qazaqstanǵa mundai ótinish túspegen.
