قازاقستان 2030 جىلعا دەيٸن تٸكەلەي شەتەلدٸك ينۆەستيتسييا كٶلەمٸن تۇراقتى ارتتىرۋدى كٶزدەيدٸ, دەپ حابارلايدى Dala News.
2025 جىلدىڭ سوڭىندا ينۆەستيتسييالىق ساياسات تۇجىرىمداماسى بەكٸتٸلٸپ, ەلگە كاپيتال تارتۋ تەتٸكتەرٸ تٷبەگەيلٸ جاڭارتىلدى. قۇجاتتىڭ باستى ماقساتى – ينۆەستورلارعا قولايلى ەرٸ بولجامدى ورتا قالىپتاستىرۋ, ولاردىڭ قۇقىقتارىن ناقتى قورعاۋ.
ساراپشى ايگەرٸم ٸليياسوۆانىڭ ايتۋىنشا, تۇجىرىمداما قاعاز جٷزٸندەگٸ دەكلاراتسييامەن شەكتەلمەيدٸ. ەندٸ ينۆەستيتسييالىق جوبالاردىڭ تاعدىرى ناقتى تۇلعالارعا, سونىڭ ٸشٸندە ٶڭٸر ەكٸمدەرٸنە تٸكەلەي بايلانىستى بولادى. بۇل ۆەدومستۆولار اراسىنداعى جوبالاردىڭ «ٸلٸنٸپ قالۋى», جاۋاپكەرشٸلٸكتٸڭ بۇلىڭعىر بولۋى جەنە مەرزٸمدەردٸڭ سوزىلۋى سەكٸلدٸ جٷيەلٸ مەسەلەلەردٸ جويۋعا باعىتتالعان.
– ينۆەستور ٷشٸن ەڭ ماڭىزدىسى – تۇراقتىلىق. جاڭا ساياسات سالىق جەنە رەتتەۋ ەرەجەلەرٸن ۇزاق مەرزٸمگە بولجامدى ەتەدٸ. بۇل كاپيتالدى 1–2 جىلعا ەمەس, 10–20 جىلعا سالۋعا مٷمكٸندٸك بەرەدٸ, – دەيدٸ ول.
قازٸردٸڭ ٶزٸندە قازاقستان جىل سايىن 20 ميلليارد دوللاردان استام تٸكەلەي ينۆەستيتسييا تارتىپ وتىر. بۇل – ورتالىق ازيياداعى بارلىق ينۆەستيتسييانىڭ شامامەن 60 پايىزى. نەگٸزگٸ ينۆەستورلار قاتارىندا ەۋرووداق ەلدەرٸ, اقش, رەسەي جەنە قىتاي بار. سونىمەن قاتار تاياۋ شىعىس ەلدەرٸنٸڭ بەلسەندٸلٸگٸ كٷرت ارتتى.
مەسەلەن, 2025 جىلدىڭ توعىز ايىندا كاتاردان كەلگەن ينۆەستيتسييا كٶلەمٸ 1,2 ميلليارد دوللارعا جەتكەن. ال 2023 جىلى بۇل كٶرسەتكٸش نەبەرٸ 9 ميلليون دوللار بولعان. مۇنداي سەرپٸلٸسكە گاز ٶڭدەۋ زاۋىتتارى, ەنەرگەتيكا نىساندارى مەن بەينەۋ–بوزوي–شىمكەنت گاز قۇبىرىنىڭ ەكٸنشٸ جەلٸسٸ سيياقتى ٸرٸ جوبالار سەبەپ بولدى.
مەملەكەت الدىندا تۇرعان باستى مٸندەت ينۆەستورلارعا تارتىمدى ورتا قالىپتاستىرا وتىرىپ, ۇلتتىق مٷددەنٸ ساقتاپ قالۋ. ساراپشىلاردىڭ پٸكٸرٸنشە, جاڭا تۇجىرىمداما وسى تەپە-تەڭدٸكتٸ تابۋعا باعىتتالعان العاشقى ناقتى قادام بولماق.
