Ілияс Өсеров аса ірі көлемде алаяқтыққа жәрдемдескені үшін кінәлі деп танылды. Тергеу мәліметтері бойынша, ол Алматының бұрынғы әкімі Виктор Храпуновтың отбасынан бұрын тәркіленген бес элиталық жылжымайтын мүлікті төмен бағамен сатуға көмектесті. Мемлекетке келтірілген шығын 819 млн теңгені құрады. Айта кетейік, ұлттық экономика вице-министрі қызметін атқарып жүрген Өсеров сәуір айында қамауға алынды.
Талғат Мұханов аса ірі көлемдегі алаяқтық туралы бап бойынша кінәлі деп танылды. Өсеров бес жылға, Мұханов сегіз жылға бас бостандығынан айырылды. Айнұр Құдайбергенова да алаяқтыққа көмектескені үшін кінәлі деп танылып, бес жылға сотталды. Үшеуі де жалпы режимдегі колонияда жазасын өтейді.
