Марат Қанидің көрермендер саны 5 000 асқан. Басым бөлігі мұғалімдер мен оқушылар. Ол елде карантинге байланысты бейнесабақтарын жүктеп, әр оқушының сабақ орындау тәртібіне мән береді.
– Республиканың әр түкпіріндегі әріптестерімнің де керегіне жарап жатқаныма қуанамын. Күн сайын олар канал арқылы ізгі тілектерін жолдайды. Бастысы қазақша контенттің артуына тамшыдай болса да үлес қосып жатырмын деп ойлаймын, – деді Марат Қани.
Жас ұстаз биылғы оқу жылындағы ІV тоқсанды қоса алғанда барлығы 150-ге жуық сабақ дайындаған.
