Ал енді президенттен бастап, қарсылық көрсеткендерді атуды бұйырды. Атып жатыр, бүгін тағы бес адамды атты. Менің ойымша, әсіре діншілдерді пайдаланып отырған, өздерінен басқа күш бар. Мүмкін сол күш биліктің құрамында болуы әбден мүмкін.
Біріншіден, олар қоғам назарын жер мәселесінен бұру. Мақсаты орындалды. Дерліктей назарымыз бұрылып кетті.
Екіншіден, осы орайды пайдаланып теріс ағымдарды тоқтату.
Үшіншіден, халыққа қорқыныш сыйлау. Халықты өз ойын айтып митинг өткізу халінен де қалдыру. Енді көп санды адам бейбіт шерудің артын осындай түрлі күштер өз бағыттарына жұмсап жіберер деп алаңдайтын, қарсылық шерулерді өткізуден қорқатын болады. Және билік те бейбіт шеруге шыққандарға да, қит етсе террорист деп атақ бере салуы әбден мүмкін. Ондағы қарсыласқандарға қару қолдануы да мүмкін. Биліктегі белгісіз бір күштер осы ойын орындау үшін, өз адамдарын әсіре діншілдерге кіргізіп, олардың қолтығына су бүркіп, бүлік шығаруына себеп болды ма деген күмән туады екен.
Сондықтан, бүлікке қатысқан әр қылмыстыны тірі ұстауға тырысып, дұрыстап тергеп, артында кімдердің тұрғанын, кімдердің айтақтағанын анықтап шығу керек.
Ал әсіре діншілдерге келсек, олармен күресте салдарды ғана нысанаға алмай, себепті басты назарға алған жөн. Нағыз ату жазасын алатындар, бүгінгі есеп бойынша 15 мыңдай қазақты сол ағымдардың құрбанына айналдырғандар. Бірінші сол әсіре діншілдік бағытта жылдар бойы уағыз жүргізгендердің жазаларын беру керек.
Кешегі атыстағы қаза болған он қанша адамның, бүгінгі бесеуінің қанына солар кінәлі.
