Қазақстан үкіметі тауар бағасын қымбаттатпау үшін 100 миллиард теңгеге жуық қаржы бөлген. Басылым мәліметіне қарағанда, бұл соманың 81 миллиард теңгесі сауда желілеріне жеңілдетілген кредит беруге жұмсалған. 16,8 миллиард теңге — тұрақтандыру қорына арналған.

"Әсері болмады жоқ — баға өсті. Одан қайта бұл ақшаны тікелей халыққа таратып беру керек еді, сауда желілеріне емес. Бізде 1 миллионға жуық кедей бар. Бәрінен көп мұқтаж болып отырғандар солар.

Егер бағаны тоқтата алмасаңыздар, халықтың өзіне тікелей қолдау көрсетіңіздер, әлеуметтік тұрғыдан нашар қорғалғандарға субсидия беріңіздер. Сауда желілеріне таратқанша, соларға берсеңіздер пайдасы көбірек боларына сенімдімін", — дейді Жамалов.

Кейінгі жылдары Қазақстан билігі инфляция екпінін тоқтатуға тырысып келеді.

Биыл сәуірде стратегиялық жоспарлау және реформалар жөніндегі агенттіктің ұлттық статистика бюросы 2021 жылдың наурыз айынан бері азық-түлік тауарлары 15 пайызға қымбаттағанын хабарлаған.

Өткен аптада Қазақстан премьер-министрі Әлихан Смаилов, мамыр айының қорытындысы Қазақстандағы инфляцияның жылдық екпіні 14 пайызға, азық-түлік инфляциясының деңгейі 19 пайызға жеткенін хабарлаған. Ұлттық банк болжамына қарағанда, Қазақстанда 2022 жылдың соңына қарай инфляция деңгейі 13-15 пайыз болуға тиіс.

https://dalanews.kz/del-qazir/78610-akimder-reytingi-bir-gramota-tapsyry