Облыстық денсаулық сақтау басқармасы ұсынған статистикаға сәйкес, 2020 жылдың бірінші жарты жылдығында бактериялық пневмониямен сырқаттанғандардың саны өткен жылдардың ұқсас кезеңдерінен аса көп емес. Мысалы, 2018 жылы жарты жыл ішінде 6138 ауру жағдайы тіркелді, оның ішінде 95 адам қайтыс болса, ағымдағы жылдың қаңтарынан маусым айына дейін 4937 пневмониямен ауыратындар тіркелді, қайтыс болғандар саны 79 адамды құрады.
Дегенмен, коронавирустық инфекцияның әлемдік пандемияға байланысты бүкіл республика бойынша ковидті пневмониямен ауырғандар санының өсуі байқалуда.
- Шығыс Қазақстан облысында - компьютерлік томография аппараттарының саны көп, - дейді өңірдің бас пульмонологы Загрипа Әбдиева. - Сондықтан өкпенің зақымдану дәрежесі 3-5 пайызды құраған кезде, ең ерте кезеңдерде ковидті пневмонияны анықтаймыз және диагностикалаймыз. Мұндай науқастар бізде сәтті емделуде.
Өкінішке орай, адамдар тексерілмеген ақпаратқа сенуге үйренген. Жақында ғана қытайлық БАҚ Қазақстанда өлімге әкелетін пневмония тудыратын жаңа вирустың пайда болуы туралы мәліметтерді таратқан болатын, алайда бұл шындыққа сәйкес келмейді.
Бұл туралы брифингте ҚР денсаулық сақтау министрі Алексей Цой хабарлаған. Загрипа Әбдиеваның айтуынша, қазіргі таңда аурудың жіктелуін өзгерту жұмыстары жүргізіліп жатыр, бұл пневмонияның әртүрлі түрлерімен: бактериялық, вирустық, саңырауқұлақтық және анықталмаған этиологиямен сырқаттанушылық саны бойынша нақты статистиканы жасауға мүмкіндік береді.
- Коронавирус пневмония тудырады, бұл ешкімге құпия емес, - дейді пульмонолог. - Әрине, инфекцияның таралуына байланысты вирустық пневмония статистикасы да өсті, себеп-салдарлық байланыс түсінікті. Тағы бір мәселе, өңірде төсек-орын, дәрі-дәрмек және ауруды жеңу үшін қажетті техника жеткілікті. Бізде пневмонияның ерте сатыларында жоғары деңгейде анықтау мүмкіндігі бар.
Бұл пациенттердің әңгімелерімен расталады. Мысалы, Семей қаласының әкімі Ермак Сәлімовтен пневмония ерте кезеңде анықталды, сондықтан ол емделуден өтіп, сауығып, жұмысқа кірісті.
Медицина қызметкерлері халықты сырттан келген ақпараттан туындаған үрейге ұшырамауға, өз жағдайын бақылауға және симптомдар анықталған жағдайда көмекке жүгінуге шақырады. Компьютерлік томография аппараттары 24/7 жұмыс істейді, бұл пневмонияның кез келген түрін дер кезінде анықтауға және қажетті ем алуға мүмкіндік береді.
