Медициналық қызмет көрсету шарасының ІІ айлығында Алматы қаласы 2-ші қосалқы стансасының Жедел жәрдем қызметкерлері Ардагерлер үйіне барып осындағы 90-нан аса қарияға ем-дом көрсетті.
Қан қысымдарын тексеріп, артынша электрокардиограммаға түсірді. Жалпы денсаулық жағдайына байланысты ақыл-кеңестер берді.
Қарттар жағы өз кезегінде мұндай жылулық мен қайырымдылыққа разылық танытып, Гиппократ антын қабылданған ақ халаттыларға алғысын жаудырды.
Басы ауырып, балтыры сыздағандарды медициналық тексеруден өткізу үшін 10-ға жақын маман келіпті. Көз, жүрек, буын, жүйке ауруларын қарайтын дәрігерлердің бос уақыты болмады.
Өз кезегінде аталған істің басы-қасында жүрген аға дәрігер Ақнұр Тынысбекова мұндай шараның алдағы уақытта да жалғасын табатынын айтты.
