Жалпыға міндетті білім беру қорына 68,5 млн. теңге бөлініп 2,3%-ға жетті. Отбасы жағдайы төмен 1097 оқушы ыстық тамақпен және де 155 оқушы киім-кешекпен және 143 оқушы жазғы сауықтыру лагеріне жолдамамен қамтылды.
159 қамқоршы азаматтарға 28,4 млн. теңге қаралып, жетім және ата-анасының қамқорлығынсыз қалған балаларға ай сайын 24050 теңгеден төленіп отыр.
Бұдан бөлек жергілікті бюджеттен 237,2 млн.теңге қаралып, №1және №4 мектептердің күрделі жөндеу жұмыстары жүргізілгенін айта кетелік.
«Қазақстан Республикасында білім беруді және ғылымды дамытудың 2016-2019 жылдарға арналған мемлекеттік бағдарламасы» аясында 616,8 млн.теңге бөлініп, 4800 бала мектепке дейінгі тәрбиемен қамтылып, 3-6 жастағы балаларды қамтуы 85,0%-ға жетті. Қала бойынша 698 оқушы мектеп бітіріп, оның 577-сы (84,2%) ҰБТ тапсырды. Қалалық білім бөлімінің мәліметінше биылғы жылы Кентау қаласындағы ҰБТ қорытындысының орташа көрсеткіші 87,9 баллды құрады, оқушылардың 456- сы мемлекеттік грантты иеленді, жалпы 79 пайызды құрады. Бұл облыста ең жоғары көрсеткіш. 87 «Алтын белгі», 50 «Үздік аттестат» қорғады.
