Бұған дейін Астана қалалық соты апелляциялық шағымды қанағаттандырмаған еді.
«Марат [апелляциялық] соттың шешімі туралы білмеді. Ол оны білген бойда бұл шешімге наразылық білдіруді ұйғарып, үкімі жарамсыз болғанға дейін мерзімсіз ереуіл жариялайтынын мәлімдеді", - дейді оның адвокаты Мейіржан Досқараев.
Жыланбаев аштық жариялау туралы арыз жазған, тек су ішеді.
60 жастағы желаяққа былтыр 29 қарашада Астана қаласының қылмыстық істер жөніндегі ауданаралық сотында тыйым салынған экстремистік ұйымды қаржыландырғаны, оның қызметіне қатысқаны үшін үкім шықты.
Сот үкімімен Жыланбаев 7 жылға бас бостандығынан айырылды. Сонымен қатар, бұқаралық ақпарат құралдары мен телекоммуникация желілерін пайдалану құқығынан 3 жыл мерзімге айырылды.
Сурет: kaztag.kz
