Іс-шара этносаралық қақтығыстардың алдын алу мен шешуде медиативтік тәсілді қолдану дағдыларын үйретуге бағытталған.
Семинар Қазақстан халқы Ассамблеясының түрлі этномәдени бірлестіктері мен қоғамдық құрылымдарының қатысушыларын, сондай-ақ жанжалдарды шешуге қатысатын белсенділер мен медиаторларды тартты.
Семинардың лекторлары ретінде ҚХА медиация кеңесінің төрағасы Шерзод Пулатов, ҚР МАМ «Қоғамдық келісім» РММ бас сарапшысы Талшин Италиева, «Парасат» медиация және құқық орталығы ЖМ кәсіби медиаторы және жаттықтырушысы Мұхтар Адаев және конфликтолог психолог Резеда Баймұхаметова сөз сөйледі.
– Медиация – жаңа әрі маңызды бағыт. Бұл әр түрлі қақтығыстарды шешуге көмектеседі. Сонымен қатар, этномедиация әдеттегіден түбегейлі ерекшеленіп, психологиялық аспектілерге әсер етеді. Медиацияның соттан ең басты айырмашылығы – ұтқан, ұтылған деген тарап болмайды, себебі олар екі жаққа қолайлы мәмілеге келуі керек, – деп білікті маман Резеда Баймұхаметова ойын ортаға салды.
Іс-шараға қатысушылар этносаралық медиацияны жүргізудің ерекшеліктерімен және медиация сессиясында зерттеу кезеңдерімен танысты. Дәріс медиацияның этносаралық қақтығыстардың алдын алуға және шешуге қалай ықпал ететінін тереңірек түсінуге мүмкіндік берді.
Сонымен қатар, семинарға қатысушылар жанжалдардың психологиялық аспектілері, соның ішінде жеке тұлғаның психодиагностикасы туралы кең білім алды. Бұл оқыту жанжалға қатысушылармен олардың қажеттіліктері мен эмоционалдық күйлерін түсіне отырып, тиімдірек жұмыс істеуге мүмкіндік береді.
Қазақстан халқы Ассамблеясы медиация кеңесінің төрағасы Шерзод Пулатов өз сөзінде қазіргі әлемдегі медиацияның маңыздылығын атап өтті. Ол медиация саласындағы тәжірибесімен және жетістіктерімен бөлісті, сондай-ақ қатысушыларды Қазақстанда осы салада жүргізіліп жатқан өзекті жұмыстармен таныстырды.
Семинар Қазақстандағы медиация институтын дамыту үшін маңызды оқиға болып қатысушылардың білімі мен дағдыларын байытуға ықпал етті, бұл медиаторларға этносаралық қақтығыстарды тиімдірек шешуге және оларға кәсіби қатысуға мүмкіндік береді. Медиация әр түрлі этностар арасындағы бейбітшілік пен келісімді нығайтуда маңызды рөл атқаруды жалғастыруда және осы түрдегі семинарлар оның одан әрі дамуы мен таралуына ықпал етеді.
