Ал биыл құны 39 млрд. теңге болатын 12 кәсіпорын іске қосылып, 500-ден астам жұмыс орны ашылады. Бұл жайлы бүгін журналистерге Жетісу облысының әкімі Бейбіт Исабаев Астана қаласында өткен брифингіде айтып берді, - деп хабарлайды Жетісу облысы әкімінің баспасөз қызметі.
Баяндамашының айтуынша, өңірде өнеркәсіп өндірісі көлеміндегі өңдеу секторының үлесі 80%-ға жеткен. Облыста негізгінен ашытқы (уыт), электрлі аккумуляторлар, жоғары вольтты электр тарату желілеріне арналған темір бетонды және металл тіректер өндіріледі.
Биыл 12 жаңа кәсіпорын пайдалануға беріледі. Соның ірілері – керамикалық плиталар шығаратын «Алмаз Керамикс» кәсіпорны, күн панельдерін шығаратын «Майами Солар» кәсіпорны және «EcoWattAKA» компаниясының жел электр стансысы.
Ал «Қорғас – Шығыс қақпасы» арнайы экономикалық аймағы мен «Қорғас» ХШЫО – облыстағы даму нүктесінің бірі. Мұнда қазір 2030 жылға дейін жалпы инвестиция көлемі 622 млрд.теңге болатын 52 жобаны іске асыру жоспарлануда.- Тау-кен саласын дамыту шеңберінде құны 1,3 трлн. теңге болатын, 2 мыңнан астам жұмыс орнын ашатын металлургия комбинатының құрылысы жүргізіле бастаған.
Оның қуаты жылына 860 мың мыс концентратын өндіруге жетеді. Қазіргі кезде құрал-жабдықтар мен тауарларды сақтайтын қоймалар мен басқа да техникалық ғимараттар салынып бітті.
Комбинаттың құрылысы 2025 жылы басталып, 2027 жылы аяқталады деп жоспарланған, - деді спикер.
Жалпы облыстың 2030 жылға дейінгі инвестициялық портфеліне құны 2,2 трлн. теңге болатын, 9 мыңнан астам жұмыс орнын құратын 184 жоба енгізілген.
Жетісу облысы әкімінің баспасөз қызметі.
