Көп жылдар бойы кезекте тұрған аудан азаматтары босаған тұрғын үйден көптен күткен кілттерді кезек тәртібінде аудан әкімі А.Абдиновтың қолынан алып, мәз-мейрам болды.
Көп балалы отбасылар Зоя Бекмұхамбетова, Гүлжанат Аянбаева, Рифтина Сәбитова және ерекше күтімді қажет ететін Амангелді Тындыбаев үшін бұл мерекенің мәңгі есте қалары сөзсіз. Тәуелсіздіктің 30 жылдығымен тұспа-тұс келген азаматтардың асыға күткен арман-тілектері бүгінде орындалды. Өз кезегінде аудан әкімі А.Абдинов баспаналы болған азаматтарды қоныс тойымен құттықтап, отбасыларына береке-бірлік пен татулық тіледі.
[caption id="attachment_64398" align="alignleft" width="141"]
Досай Бекмұхамбетов[/caption]
45 жастағы Еңбекші ауылының тұрғыны, 6 баланың әкесі Досай Анарбекұлы шексіз қуанышты екенін жасырмады:
– Міне баспаналы болдық, бұл біз үшін үлкен мәртебе, зор қуаныш. Мемлекеттің тәуелсіздік алған жылдардан бергі ұстанымдарының басым бағыттарының бірі де сол – әрбір қазақстандық отбасының өз баспанасы болуына қол жеткізу. Көп балалы, мүмкіншілігі шектеулі жандарды, қарияларымызды жан-жақты қолдау көрсетіп, жағдайларын жасау еді. Мемлекет осы мақсатқа қол жеткізу үшін қолдан келген барлық мүмкіндіктерді жасауда.
Осы орайда аудан әкімі А.Абдинов мырзаға алғысымды білдіремін. Және барлық қазақстандықтарды бүгінгі мереке күнімен шын жүректен құттықтаймын, - деп жүрекжарды қуанышын жеткізді Досай Бекмұхамбетов.
Қасиет АРСТАН,
Алакөл ауданы әкімінің
баспасөз-хатшысы
