– Өткен жылы облыстың денсаулық сақтау саласына 26 млрд теңге салынды, оның 3,3 млрд теңгесі жабдық сатып алуға, 0,7 млрд теңгесі мамандарды оқытуға, 15,7 млрд теңгесі объектілерді салуға жұмсалды.
Алдағы уақытта 2025 жылға дейін 5,6 млрд теңгеге медициналық жабдықтар, оның ішінде аудандық ауруханалар үшін 3 млрд теңгеге 6 компьютерлік томограф сатып алу жоспарлануда.
Сонымен қатар, биыл онкологиялық ауруларды ерте диагностикалау мақсатында көпсалалы онкология және хирургия орталығында ғимаратты жаңғырту және 5,2 млрд теңгеге ПЭТ-КТ орнату жүргізіледі, – деді ШҚО әкімі Даниал Ахметов баспасөз мәслихатында.
Сондай-ақ, облыста бірегей гематология орталығының құрылысы жалғасуда, 140 төсектік стационары бар аурухана кешені және Риддер қаласында ауысымда 500 адам қабылдайтын емхана құрылысы басталды. Ұлан ауданы Қасым Қайсенов кентінде 150 адам қабылдайтын емхана салу мәселесі шешілді.
– Ауылдық жердегі денсаулық сақтау саласын жаңғырту аясында 7,9 млрд теңгеге 36 медициналық нысан салу жоспарланған. Жыл соңына дейін 16 медициналық ұйымда 3,2 млрд теңгеге күрделі жөндеу жүргізу жоспарлануда, – деп түсіндірді өңір басшысы.
Сонымен қатар, облыстың денсаулық сақтау саласына инвестиция салу жоғары технологиялық медициналық көмекті арттыруға мүмкіндік берді. Облыстың 7 медициналық ұйымы жоғары технологиялық қызметтердің 33 түрін көрсетеді, бұл республика бойынша ЖТМК жалпысанының 42%-ды құрайды. Жыл соңына дейін тағы 17 түрін енгізу жоспарлануда.
– Көрсетілген жоғары технологиялық медициналық көмектің жалпы саны 5 жылда 5 есеге, ал 2023 жылдың басынан бастап 2 есеге өсті. Сонымен қатар, өткен жылы мамандандырылған медициналық көмектің 2610 түрі көрсетілді. Жыл ішінде ЖМК-ның 689 түрі қосымша енгізілді, – деп атап өтті ШҚО әкімі.
Өз кезегінде Даниал Ахметов денсаулық сақтаудың даму қарқыны тек ЖТӨМ-ге ғана емес, сонымен қатар медицина қызметкерлерінің сапалы кәсіби өсуін талап ететінін айтты.
– Біз бұл мәселемен белсенді айналысуды жалғастырудамыз. Өткен жылы Израиль, Ресей және Германияның жетекші шетелдік клиникаларында гематология, нейрохирургия, кардиология, ана мен бала мәселелері бойынша облыстың 36 медицина қызметкері білім алып, біліктілігін арттырды. Ағымдағы жылы Израиль, Латвия, Германия және Ресей клиникаларында 445 млн теңгеге 27 дәрігерді оқыту жоспарланған. 2017 жылдан бастап облыстың Шетелдегі 210 маманы өз біліктілігін арттырды, – деді облыс әкімі.
Айта кетейік, өткізілетін іс-шаралар мен облыстың медициналық ұйымдарын жоғары технологиялық жабдықтармен жарақтандыру нәтижесінде 2022 жылы ана өлімінің 87,6%-ға, қан айналымы жүйесінің ауруларынан 30%-ға, қатерлі ісіктерден 7%-ға және туберкулезбен сырқаттанушылықтан 13%-ға төмендеуі байқалды.
