БҚО Бәйтерек ауданы прокуратурасы жер телімдерін беру заңдылығын тексеру кезінде бір азаматқа облыс орталығына жақын жерден (Орал қаласы) ірі көлемде6 жалпы аумағы 40,0 гектар (400 000 шаршы.м – 4 000 соттық жер) жер телімі "бағбандық және саяжай құрылысына" берілгені анықталған.
Мемлекеттен саяжай жер телімін сатып алу құны заңсыз төмендетілген және 4 000 соттық жер 765 мың теңгеге сатылған.
Негізінде жер телімдерінің нақты кадастырлық құны - 119,8 млн. теңге, салдарынан мемлекетке аса ірі көлемдегі залал келтірілген.
Осының негізінде прокурорлық тексеру материалы СДТБТ-не тіркеліп, аудандық жер қатынастар бөлімінің басшысына қатысты қызметтік өкілеттігін теріс пайдаланып, ауыр салдарға алып келу фактісімен сотқа дейінгі тергеу басталды.
Қылмыстық істің тергеуі Батыс Қазақстан облысының арнайы прокурорларына тапсырылды.
Сот үкімімен Бәйтерек аудандық жер қатынастар бөлімінің бастығы ҚК-тің 361-бабының 4-бөлігінің 3-тармағымен кінәлі деп танылып, 3 жылға бас бостандығынан айыруға сотталып, жазасы қылмыстық-атқару жүйесінің орташа қауіпсіз мекемесінде өтеу белгіленді.
Үкім заңды күшіне енген жоқ.
Сурет: Tengrinews.kz / Тұрар Қазанғапов
