Алматы тұрғындары көмірмен жұмыс істейтін жылу электр орталығын жабуды сұрап, Сенатқа арыз жолдады, деп хабарлайды Dalanews.kz.
"Сенатқа жолданған өтініш тұрғындардың ауа сапасының нашарлауы мен денсаулық жағдайының қиындауына, тұрғын үйлерді желдетудің мүмкін еместігіне және шығарылған түтін мен қалдықтарды тұрақты бақылауға байланысты жаппай шағымдарына негізделген", – деп мәлімдеді қоғамдық ұйымдар ҚазТаг агенттігіне.
Сенатқа жолданған шағымда Алматы қаласының атмосфералық ауасының ластануына қатысты, оның негізгі көзі көмірмен жұмыс істейтін Жылу Электр Орталығы - 2 екені айтылған.
Өтініште келесі талаптар көрсетілген:
- тәуелсіз экологиялық сараптама жүргізу және нәтижелерін жария ету;
- қаланың шегінде көмірлі жылу электр орталығының жұмысын заңдылық тұрғысынан бағалау;
- лауазымды тұлғалардың жеке жауапкершілігін белгілеу;
- көмірлі жылу электр орталығын кезең-кезеңімен жабу туралы шешім қабылдау;
- баламалы энергия көздеріне өту және оның нақты іске асырылу мерзімдерін бекіту.
