Qazaqstandyq boksshy, álem chempiony Jánibek Álimhanuly áleýmettik jelidegi jazbasynda ringti saǵynǵanyn aityp, kelesi jekpe-jeginiń qashan ótetinin habarlady, dep habarlaidy dalanews.kz.
Boksshynyń aitýynsha, ol alǵash ret alty jasynda qolǵap kiip, sodan beri 27 jyl boiy sporttan qol úzbegen.
«Bir ispen turaqty túrde 27 jyl ainalysý da ońai emes. Tórt buryshty ringte ne kórmedik?! Áli de kórerimiz kóp», – dep jazdy Álimhanuly.
Sonymen qatar ol jankúierlerdiń de onyń jekpe-jekterin saǵynǵanyn biletinin atap ótti.
«Ringti saǵyndyq! Jankúierlerdiń de ónerimizdi saǵynyp qalǵanyn bilemin. Buiyrtsa, jeltoqsanda álem chempiony titýlymdy qorǵaimyn», – dedi boksshy.
Osylaisha Jánibek Álimhanuly kelesi kezdesýin jeltoqsan aiyna josparlap otyrǵanyn jetkizdi.
2025 jylǵy jeltoqsanda Jánibek Álimhanuly doping synamasynan óte almaǵan edi.
Eske salaiyq, buǵan deiin Halyqaralyq boks federatsiiasy (IBF) qazaqstandyq boksshy Jánibek Álimhanulyn orta salmaqtaǵy álem chempiony ataǵynan aiyrdy.
