قازاقستاندىق بوكسشى, ەلەم چەمپيونى جەنٸبەك ەلٸمحانۇلى ەلەۋمەتتٸك جەلٸدەگٸ جازباسىندا رينگتٸ ساعىنعانىن ايتىپ, كەلەسٸ جەكپە-جەگٸنٸڭ قاشان ٶتەتٸنٸن حابارلادى, دەپ حابارلايدى dalanews.kz.
بوكسشىنىڭ ايتۋىنشا, ول العاش رەت التى جاسىندا قولعاپ كيٸپ, سودان بەرٸ 27 جىل بويى سپورتتان قول ٷزبەگەن.
«بٸر ٸسپەن تۇراقتى تٷردە 27 جىل اينالىسۋ دا وڭاي ەمەس. تٶرت بۇرىشتى رينگتە نە كٶرمەدٸك?! ەلٸ دە كٶرەرٸمٸز كٶپ», – دەپ جازدى ەلٸمحانۇلى.
سونىمەن قاتار ول جانكٷيەرلەردٸڭ دە ونىڭ جەكپە-جەكتەرٸن ساعىنعانىن بٸلەتٸنٸن اتاپ ٶتتٸ.
«رينگتٸ ساعىندىق! جانكٷيەرلەردٸڭ دە ٶنەرٸمٸزدٸ ساعىنىپ قالعانىن بٸلەمٸن. بۇيىرتسا, جەلتوقساندا ەلەم چەمپيونى تيتۋلىمدى قورعايمىن», – دەدٸ بوكسشى.
وسىلايشا جەنٸبەك ەلٸمحانۇلى كەلەسٸ كەزدەسۋٸن جەلتوقسان ايىنا جوسپارلاپ وتىرعانىن جەتكٸزدٸ.
2025 جىلعى جەلتوقساندا جەنٸبەك ەلٸمحانۇلى دوپينگ سىناماسىنان ٶتە الماعان ەدٸ.
ەسكە سالايىق, بۇعان دەيٸن حالىقارالىق بوكس فەدەراتسيياسى (IBF) قازاقستاندىق بوكسشى جەنٸبەك ەلٸمحانۇلىن ورتا سالماقتاعى ەلەم چەمپيونى اتاعىنان ايىردى.
