Izrail premer-ministri Beniamin Netaniahýdyń keńsesi HAMAS sońǵy sátte atysty doǵarý jáne kepilge alynǵan adamdardy bosatý týraly kelisimniń keibir tarmaqtarynan bas tartqanyn jáne bitimgershilik kelisimniń sońynda shi shyqqanyn habarlady. Bul týraly The Times of Israel basylymynda aitylady, dep jazady Dalanews.kz.
"HAMAS kelisimderdi buzyp, sońǵy minýtta kelisimge kelýge kedergi keltiretin daǵdarysty jaǵdai týdyrdy. Araǵaiyn elder HAMAS-tyń kelisimniń barlyq elementterin qabyldaǵany týraly Izrailge habarlamaiynsha Izrail ministrler kabineti [qujatty maquldaý úshin] ústel basyna jinalmaidy", — dedi Netaniahý keńsesi.
Izraildiń osy málimdemesinen keiin, HAMAS qol jetkizilgen atysty doǵarý jáne kepilge alynǵan adamdardy bosatý týraly kelisimdi oryndaýǵa daiyn ekendikterin taǵy málimdedi. Bul týraly "Ál-Djazira" HAMAS ókili Izzat Ál-Rishektiń málimdemesine silteme jasai otyryp jazady.
Buǵan deiin Izrail men HAMAS Gaza sektoryndaǵy atysty doǵarý jáne kepilge alynǵan adamdardy bosatý týraly kelisimge kelgeni týraly habarlanǵan bolatyn. Bul týraly 15 qańtarda, Qatar premer-ministriniń eki jaqtyń ókilderimen jeke kezdesýlerden keiin málim boldy. AQSh-tyń resmi ókili kelisim jasasý faktisin rastady. Osyǵan qaramastan, Netaniahý sońǵy kelisimge áli qol qoiylmaǵanyn jáne keibir málimetter túsiniksiz bolyp jatqanyn aityp, qadalyp tur.
