يزرايل پرەمەر-مينيسترٸ بەنيامين نەتانياحۋدىڭ كەڭسەسٸ حاماس سوڭعى سەتتە اتىستى دوعارۋ جەنە كەپٸلگە الىنعان ادامداردى بوساتۋ تۋرالى كەلٸسٸمنٸڭ كەيبٸر تارماقتارىنان باس تارتقانىن جەنە بٸتٸمگەرشٸلٸك كەلٸسٸمنٸڭ سوڭىندا شي شىققانىن حابارلادى. بۇل تۋرالى The Times of Israel باسىلىمىندا ايتىلادى, دەپ جازادى Dalanews.kz.
"حاماس كەلٸسٸمدەردٸ بۇزىپ, سوڭعى مينۋتتا كەلٸسٸمگە كەلۋگە كەدەرگٸ كەلتٸرەتٸن داعدارىستى جاعداي تۋدىردى. اراعايىن ەلدەر حاماس-تىڭ كەلٸسٸمنٸڭ بارلىق ەلەمەنتتەرٸن قابىلداعانى تۋرالى يزرايلگە حابارلامايىنشا يزرايل مينيسترلەر كابينەتٸ [قۇجاتتى ماقۇلداۋ ٷشٸن] ٷستەل باسىنا جينالمايدى", — دەدٸ نەتانياحۋ كەڭسەسٸ.
يزرايلدٸڭ وسى مەلٸمدەمەسٸنەن كەيٸن, حاماس قول جەتكٸزٸلگەن اتىستى دوعارۋ جەنە كەپٸلگە الىنعان ادامداردى بوساتۋ تۋرالى كەلٸسٸمدٸ ورىنداۋعا دايىن ەكەندٸكتەرٸن تاعى مەلٸمدەدٸ. بۇل تۋرالى "ەل-دجازيرا" حاماس ٶكٸلٸ يززات ەل-ريشەكتٸڭ مەلٸمدەمەسٸنە سٸلتەمە جاساي وتىرىپ جازادى.
بۇعان دەيٸن يزرايل مەن حاماس گازا سەكتورىنداعى اتىستى دوعارۋ جەنە كەپٸلگە الىنعان ادامداردى بوساتۋ تۋرالى كەلٸسٸمگە كەلگەنٸ تۋرالى حابارلانعان بولاتىن. بۇل تۋرالى 15 قاڭتاردا, قاتار پرەمەر-مينيسترٸنٸڭ ەكٸ جاقتىڭ ٶكٸلدەرٸمەن جەكە كەزدەسۋلەردەن كەيٸن مەلٸم بولدى. اقش-تىڭ رەسمي ٶكٸلٸ كەلٸسٸم جاساسۋ فاكتٸسٸن راستادى. وسىعان قاراماستان, نەتانياحۋ سوڭعى كەلٸسٸمگە ەلٸ قول قويىلماعانىن جەنە كەيبٸر مەلٸمەتتەر تٷسٸنٸكسٸز بولىپ جاتقانىن ايتىپ, قادالىپ تۇر.
