«قازمۇنايگاز» ۇلتتىق كومپانيياسىندا سوڭعى بەس جىلدا ٶندٸرٸستٸك جاراقاتتانۋ 34%-عا, جول-كٶلٸك وقيعالارىنىڭ سانى 73%-عا تٶمەندەدٸ, دەپ حابارلايدى dalanews.kz.
«قازمۇنايگاز» ۇلتتىق كومپانيياسى ٷشٸن قىزمەتكەرلەردٸڭ قاۋٸپسٸزدٸگٸ باستى قۇندىلىق بولىپ تابىلادى. سوڭعى بەس جىلدا جٷرگٸزٸلگەن جٷيەلٸ جۇمىستاردىڭ نەتيجەسٸندە ٶندٸرٸستٸك جاراقاتتانۋ 34 پايىزعا, جول-كٶلٸك وقيعالارىنىڭ سانى 73 پايىزعا تٶمەندەدٸ. 2023 جىلدان باستاپ ٶرت وقيعالارى تٸركەلگەن جوق», - دەدٸ «قازمۇنايگاز» ۇك اق باسقارما تٶراعاسىنىڭ بٸرٸنشٸ ورىنباسارى قۇرمانعازى ەسقازيەۆ ٷكٸمەت وتىرىسىندا.
ونىڭ ايتۋىنشا, كومپانييا 2018 جىلدان بەرٸ مۇناي جەنە گاز ٶندٸرۋشٸلەرٸنٸڭ حالىقارالىق قاۋىمداستىعىنىڭ (IOGP) مٷشەسٸ بولىپ تابىلادى جەنە 2025 جىلدىڭ قورىتىندىسى بويىنشا ٶندٸرٸستٸك قاۋٸپسٸزدٸك كٶرسەتكٸشتەرٸ حالىقارالىق تالاپتارعا سەيكەس كەلگەن.
كومپانييا مەلٸمەتٸنشە, جازاتايىم وقيعالاردىڭ شامامەن ٷشتەن بٸرٸ قاۋٸپتٸلٸگٸ جوعارى جۇمىستارعا جەنە ۇڭعىمالاردى كٷردەلٸ ەرٸ جەراستى جٶندەۋ كەزٸندە جٷرگٸزٸلەتٸن كٶتەرٸپ-تٷسٸرۋ وپەراتسييالارىنا تيەسٸلٸ.
«وسى باعىتتا جاراقاتتانۋدى تٶمەندەتۋ ماقساتىندا 2025 جىلى 60 بريگادادا قازمۇنايگازدىڭ مەنشٸكتٸ ەزٸرلەمەسٸ – “TUMAR” كومپيۋتەرلٸك كٶرۋ جٷيەسٸ ەنگٸزٸلدٸ», - دەدٸ ەسقازيەۆ.
ونىڭ سٶزٸنشە, جاساندى ينتەللەكت نەگٸزٸندە جۇمىس ٸستەيتٸن جٷيە ناقتى ۋاقىت رەجيمٸندە جەكە قورعانىس قۇرالدارىنىڭ بولماۋىن, قىزمەتكەرلەردٸڭ قاۋٸپتٸ ايماقتاردا جٷرۋٸن جەنە قاۋٸپسٸزدٸك تالاپتارىنىڭ ساقتالماۋىن انىقتايدى.
قازٸر اتالعان تەحنولوگييا 60 بريگادادا قولدانىلىپ جاتىر. كومپانييا 2027 جىلدىڭ سوڭىنا دەيٸن جٷيەمەن 242 بريگادانى قامتىپ, 100 پايىزدىق كٶرسەتكٸشكە قول جەتكٸزۋدٸ جوسپارلاپ وتىر. سونىمەن قاتار ۇقساس Computer Vision جٷيەسٸ ٷش مۇناي ٶڭدەۋ زاۋىتىندا ەنگٸزٸلۋدە.
ٶنەركەسٸپتٸك قاۋٸپسٸزدٸك باعىتىندا مۇناي ٶندٸرۋ كٶلەمٸنٸڭ شامامەن 90%-ىن قامتاماسىز ەتەتٸن 12 ٸرٸ كەن ورنىندا تسيفرلىق ەگٸزدەردٸ ەنگٸزۋ جۇمىستارى باستالعان.
«اعىمداعى جىلدىڭ قازان ايىندا شىعىس مولدابەك كەن ورنىندا تسيفرلىق ەگٸز تولىق كٶلەمدە ەنگٸزٸلەدٸ. وسىنداي جۇمىستاردى 12 كەن ورنىندا كەزەڭ-كەزەڭٸمەن 2028 جىلدىڭ سوڭىنا دەيٸن اياقتاۋ جوسپارلانۋدا», - دەدٸ ەسقازيەۆ.
ونىڭ ايتۋىنشا, مۇناي تاسىمالداۋ جەنە مۇناي ٶڭدەۋ سالالارىندا تەۋەكەلدەردٸ بولجاۋ مەن بولجامدى تالداۋ جوبالارى ٸسكە قوسىلعان. بۇل جٷيەلەر قاۋٸپتٸ اقاۋلاردى ەرتە انىقتاۋعا, اپاتتار سانىن ازايتۋعا جەنە ٶندٸرٸستٸك شىعىنداردى تٶمەندەتۋگە مٷمكٸندٸك بەرەدٸ.
قاۋٸپسٸز ەڭبەك مەدەنيەتٸن قالىپتاستىرۋ ماقساتىندا ٶتكەن جىلى ٶندٸرٸستٸك قاۋٸپسٸزدٸك بويىنشا 52,8 مىڭ قىزمەتكەردٸ قامتىعان 80 مىڭنان استام وقىتۋ ٶتكٸزٸلگەن. ونىڭ ٸشٸندە ەڭبەكتٸ قورعاۋ, ٶنەركەسٸپتٸك قاۋٸپسٸزدٸك جەنە ٶرت-تەحنيكالىق مينيمۋم بويىنشا مٸندەتتٸ باعدارلامالار بار.
2026-2028 جىلدارى بۇل ماقساتقا شامامەن 2,6 ملرد تەڭگە بٶلۋ جوسپارلانعان. سونىمەن قاتار كومپانييا حالىقارالىق IOSH جەنە NEBOSH باعدارلامالارى بويىنشا باسشىلاردى وقىتۋعا جەنە وقىتۋدى باسقارۋدىڭ LMS جٷيەسٸن ەنگٸزۋگە باسىمدىق بەرٸپ وتىر.
«قازمۇنايگاز قاۋٸپسٸزدٸكتٸ باسقارۋدىڭ تسيفرلىق مودەلٸن قۇرۋعا كەزەڭ-كەزەڭٸمەن كٶشۋدە. بٸزدٸڭ ستراتەگييالىق ماقساتىمىز – ٶندٸرٸستەگٸ جاراقاتتانۋ دەڭگەيٸن نٶلگە جەتكٸزۋ», - دەپ تٷيٸندەدٸ قۇرمانعازى ەسقازيەۆ.
