قازاقستاننىڭ مال شارۋاشىلىعى سالاسىندا تۇراقتى ٶسٸم ساقتالىپ وتىر. ەلدە ٸرٸ قارا, قوي, جىلقى, تٷيە جەنە قۇس سانى ارتىپ, ەت ٶندٸرٸسٸ دە كٶبەيگەن, دەپ حابارلايدى dalanews.kz.
اۋىل شارۋاشىلىعى مينيسترلٸگٸنٸڭ مەلٸمەتٸنشە, 2026 جىلعى 1 مامىرداعى جاعداي بويىنشا ٸرٸ قارا مال سانى 9,8 ميلليون باسقا جەتكەن. بۇل ٶتكەن جىلدىڭ سەيكەس كەزەڭٸمەن سالىستىرعاندا 325,2 مىڭ باسقا كٶپ. قوي سانى 23,5 ميلليون باسقا جەتٸپ, بٸر جىلدا 363,1 مىڭ باسقا ارتقان. سونىمەن قاتار جىلقى سانى 5,1 ميلليون باسقا (+339,8 مىڭ), تٷيە سانى 322 مىڭ باسقا (+7,5 مىڭ), ال قۇس سانى 48,2 ميلليون باسقا (+291,5 مىڭ) جەتكەن.
مال باسىنىڭ كٶبەيۋٸ ٶندٸرٸس كٶلەمٸنٸڭ ارتۋىنا دا ەسەر ەتكەن. بيىلعى قاڭتار-سەۋٸر ايلارىندا بارلىق تٷردەگٸ ەت ٶندٸرٸسٸ سويىس سالماعىمەن ەسەپتەگەندە 338,2 مىڭ توننانى قۇرادى. بۇل ٶتكەن جىلدىڭ وسى كەزەڭٸمەن سالىستىرعاندا 11 مىڭ تونناعا كٶپ.
اتاپ ايتقاندا, سيىر ەتٸ ٶندٸرٸسٸ 112,9 مىڭ تونناعا جەتٸپ, 6,5 مىڭ تونناعا ٶسكەن. قوي ەتٸ ٶندٸرٸسٸ 34,7 مىڭ توننانى قۇراپ, 2,6 مىڭ تونناعا ارتقان. ال جىلقى ەتٸ ٶندٸرٸسٸ 39,8 مىڭ توننا بولىپ, ٶتكەن جىلمەن سالىستىرعاندا 1,4 مىڭ تونناعا كٶبەيگەن.
ۆەدومستۆو سالانى ودان ەرٸ دامىتۋ ٷشٸن جاڭا قولداۋ تەتٸكتەرٸ ەنگٸزٸلٸپ جاتقانىن مەلٸمدەدٸ. سولاردىڭ بٸرٸ – جايىلىمدىق مال شارۋاشىلىعىن دامىتۋعا ارنالعان «جايلاۋ» جەڭٸلدەتٸلگەن نەسيەلەۋ باعدارلاماسى. باعدارلاما اياسىندا مال ٶسٸرۋشٸلەرگە جايىلىم ينفراقۇرىلىمىن دامىتۋ ٷشٸن جىلدىق 6 پايىزبەن 10 جىلعا دەيٸن نەسيە بەرۋ قاراستىرىلعان.
مينيسترلٸك ٶندٸرٸس كٶلەمٸنٸڭ ارتۋى ٸشكٸ نارىقتى نەگٸزگٸ مال شارۋاشىلىعى ٶنٸمدەرٸمەن قامتاماسىز ەتۋگە جەتكٸلٸكتٸ ەكەنٸن اتاپ ٶتتٸ.
سونداي-اق سەۋٸر-مامىر ايلارىندا بايقالعان قوي ەتٸنٸڭ قىمباتتاۋىنا قاتىستى تٷسٸنٸكتەمە بەرٸلدٸ. ۆەدومستۆو مەلٸمەتٸنشە, باعانىڭ ٶسۋٸ ۋاقىتشا جەنە ماۋسىمدىق سيپاتتا بولعان. نەگٸزگٸ سەبەپ – قۇربان ايت مەرەكەسٸ قارساڭىندا سۇرانىستىڭ دەستٷرلٸ تٷردە ارتۋى.
قازٸرگٸ ۋاقىتتا ۇلتتىق ستاتيستيكا بيۋروسىنىڭ دەرەكتەرٸنە سەيكەس, ەلٸمٸز بويىنشا قوي ەتٸنٸڭ ورتاشا باعاسى بٸر كەلٸسٸ ٷشٸن 4 209 تەڭگەنٸ قۇرايدى. سونىمەن قاتار قوي ەتٸنٸڭ ساتىپ الۋ باعاسى شامامەن 200 تەڭگەگە تٶمەندەگەنٸ تٸركەلگەن.
وسىلايشا, قوي ەتٸ باعاسىنىڭ كٶتەرٸلۋٸ ٶنٸم تاپشىلىعىنا بايلانىستى ەمەس. ٶندٸرٸس كٶلەمٸنٸڭ ٶسۋٸ مەن مال باسىنىڭ كٶبەيۋٸ قازاقستاننىڭ مال شارۋاشىلىعى سالاسى تۇراقتى دامىپ جاتقانىن جەنە ٸشكٸ نارىقتاعى ۇسىنىستىڭ جەتكٸلٸكتٸ ەكەنٸن كٶرسەتەدٸ.
