اپەللياتسييالىق سوت بۇرىنعى ورىس پراۆوسلاۆ شٸركەۋٸنٸڭ سۆياششەننيگٸ ياكوۆ ۆورونتسوۆتى مامانداندىرىلعان پسيحياترييالىق مەكەمەگە ورنالاستىرۋ تۋرالى شەشٸمدٸ ٶزگەرٸسسٸز قالدىردى, دەپ حابارلايدى dalanews.kz.
قورعاۋشى ساراپتاما تاعايىنداۋ تەرتٸبٸمەن كەلٸسپەيدٸ
ادۆوكات عالىم نۇرپەيٸسوۆتٸڭ ايتۋىنشا, قورعاۋ تاراپى تەرگەۋ پسيحولوگييالىق-پسيحياترييالىق ساراپتامانى قالاي تاعايىنداعانىمەن كەلٸسپەيدٸ. ونىڭ سٶزٸنشە, ۆورونتسوۆ باستاپقىدا زاڭمەن بەرٸلگەن قۇقىعىن پايدالانىپ, ساراپتامادان ٶتۋدەن باس تارتقان. سوعان قاراماستان ونى اۋرۋحاناعا جەتكٸزگەن. كەيٸن قورعاۋىنداعى ازامات مەديتسينالىق مەكەمەدە دە ساراپتامادان ٶتۋدەن قايتا باس تارتقان.
«سوعان قاراماستان دەرٸگەرلەر ناقتى جاۋاپ الماستان ٶز قورىتىندىلارىن جاسادى. ونىڭ ٷستٸنە دياگنوزداردىڭ كەيبٸرٸ سۇراق بەلگٸسٸمەن كٶرسەتٸلگەن. پروكۋروردىڭ ايتۋىنشا, بۇل تەرگەۋشٸگە ونىڭ جاعدايىن انىقتاۋعا مٷمكٸندٸك بەرمەگەن. سوندىقتان ونى مەجبٷرلٸ تٷردە تەكسەرۋگە جٸبەردٸ», – دەدٸ ادۆوكات.
«قورعانۋ قۇقىعى تولىق قامتاماسىز ەتٸلمەدٸ»
قورعاۋ تاراپى كٷدٸكتٸ مەن ادۆوكاتتاردىڭ تەرگەۋ سوتىندا ٶز ۇستانىمىن تولىق قورعاۋعا مٷمكٸندٸگٸ بولماعانىن ايتادى. نۇرپەيٸسوۆتٸڭ سٶزٸنشە, ساراپتاما قورىتىندىسىمەن تانىسقاننان كەيٸن قورعاۋشىلاردا, سونىڭ ٸشٸندە ۆورونتسوۆتىڭ مەديتسينالىق كارتاسىنا قاتىستى دا سۇراقتار تۋىنداعان.
«سوت مەديتسينا – مەديتسينا, ال زاڭگەرلەر زاڭ اياسىندا ەرەكەت ەتۋٸ كەرەك دەگەن ۇستانىمدى ايتتى. بٸز ادامنىڭ دەنساۋلىق جاعدايىن انىقتاي المايمىز», – دەدٸ ادۆوكات.
سونىمەن قاتار قورعاۋشى تاراپقا ٸس ماتەريالدارىنىڭ تولىق كٶلەمٸ, ونىڭ ٸشٸندە ساراپتامالار بەرٸلمەگەنٸن مەلٸمدەدٸ. وسىدان كەيٸن سوت پروكۋرورعا قورعاۋ جاعىن بارلىق قاجەتتٸ ماتەريالدارمەن قامتاماسىز ەتۋدٸ تاپسىرعان.
ادۆوكاتتاردىڭ ايتۋىنشا, ەندٸ ولار بالاما ساراپتاما جٷرگٸزۋدٸ جوسپارلاپ وتىر.
ۆورونتسوۆ قازٸر اقتاستاعى اۋرۋحانادا جاتىر
قورعاۋشىنىڭ مەلٸمەتٸنشە, ياكوۆ ۆورونتسوۆ قازٸر اقتاستاعى پسيحياترييالىق اۋرۋحانادا قالىپ وتىر.
«ٶزٸن جاقسى سەزٸنەدٸ جەنە سەلەم جولداپ جاتىر», – دەدٸ ادۆوكات.
ۆورونتسوۆ نە ٷشٸن قوعام نازارىندا جٷر?
ەسكە سالايىق, جۋىردا اقش-تىڭ حالىقارالىق دٸني بوستاندىق جٶنٸندەگٸ كوميسسيياسى (USCIRF) ياكوۆ ۆورونتسوۆتى دٸني سەنٸمٸ ٷشٸن قۋدالانىپ جاتقان ادامدار تٸزٸمٸنە ەنگٸزگەن بولاتىن.
ۆورونتسوۆ ۋكرايناداعى سوعىستى اشىق سىناپ, قازاقستاندا مەسكەۋگە باعىنبايتىن تەۋەلسٸز اۆتوكەفالدى پراۆوسلاۆ شٸركەۋٸن قۇرۋ يدەياسىن قولداپ كەلگەن. ول قازاقستانداعى پراۆوسلاۆ شٸركەۋٸنٸڭ اۆتونوميياسى تۋرالى باستاماسىن 2023 جىلدىڭ جازىندا بەرگەن سۇحباتتارىنىڭ بٸرٸندە ەگجەي-تەگجەيلٸ تٷسٸندٸرگەن ەدٸ.
