Memleket basshysy Qasym-Jomart Toqaev Alataý qalasyn damytý jónindegi keńeste sóz sóiledi, dep habarlaidy dalanews.kz.
Prezidenttiń aitýynsha, zań men tártipke qurmetpen qaraý - eń aldymen jaýapkershilik sezimi joǵary azamattarǵa tán airyqsha bolmys.
"Adamdardyń týristik nysandar men tabiǵat aiasyndaǵy tártibine airyqsha nazar aýdarý mańyzdy. Tártip buzýshylardy, iaǵni vandaldardy zańǵa sáikes jaýapqa tartý qajet. Bir sózben, quqyqtyq nigilizmge qoǵam bolyp qarsy turýymyz kerek. Zań men tártipke qurmetpen qaraý degenimiz – jazadan qorqý emes, bul – eń aldymen jaýapkershilik sezimi joǵary azamattarǵa tán airyqsha bolmys. Osy mańyzdy dúnieni durys túsingen jón", - dedi Toqaev.
Memleket basshysynyń pikirinshe, qazirgi bulyńǵyr, áskeri qaqtyǵysqa toly zamanda elimizge tatýlyq pen turaqtylyq aýadai qajet. Onsyz eshqandai reforma, jalpy oń ózgeris bolmaidy.
"Sondyqtan quqyq qorǵaý mekemeleri zań buzýshylyqtarǵa qatań sharalar men jazalardy qoldanýy kerek. Keibir elimizdi jaqtyrmaityn, mensinbeitin kisiler, ókinishke qarai, solardyń ishinde Parlament depýtattary bar, quqyqtyq áreketterimizdi "Shtrafstan", "Aiyppulstan" dep ataidy eken. Meili, óz oilarynyń kelteligin kórsete bersin. Al halqymyzǵa qoǵamdyq tártip pen qaýipsizdik kerek. Sondyqtan biz osy joldan taimaimyz, batyl túrde "Zań men tártip" saiasatyn júrgizemiz. Sebebi bul – halqymyzdyń talaby, halqymyzdyń suranysy. Búkil qoǵam da, ákimder de bul máselege basa nazar aýdarýy kerek", - dedi Prezident.
