Memleket basshysy Qasym-Jomart Toqaev Alataý qalasyn damytý jónindegi keńeste sóz sóiledi, dep habarlaidy dalanews.kz.
️Prezidenttiń sózinshe, Alatau Smart-City salý mindetteri men óńirdegi naqty áleýmettik-ekonomikalyq jaǵdai arasynda qarama-qaishylyq aiqyn baiqalady.
"Qalaǵa qosylǵan eldi mekenderdiń (Jetigen, Qoianqus jáne taǵy basqalar) turǵyndary turmysqa qajet qarapaiym jaǵdai jasalmaǵanyn aitady. Elektr jii óshýine qatysty aryz-shaǵym kóptigin bylai qoiǵanda, turaqty internet, sapaly jol, ortalyqtandyrylǵan sý joqtyǵyn alǵa tartady. Mundai problemalar oblystyń barlyq aýmaǵynda bar. Máselen, 2025 jyly elektr jelisiniń tozýy 70 paiyzǵa jýyqtap, sonyń saldarynan elektr qýatynyń óshirilýi 919 ret, al jyl basynan beri 201 márte tirkelgen", - dedi Toqaev.
Qasym-Jomart Toqaevtyń aitýynsha, qalanyń jańa aýdandarynda injenerlik kommýnikatsiia tartý jumystary áli kúnge deiin jobalaý satysynda qalyp otyr. Úsh qosalqy stantsiiany jóndeý jáne sý alý qondyrǵysynyń qýatyn arttyrý jobalary belgilengen kesteden keshigip jatyr.
"Alatau Smart-City salý mindetteri men óńirdegi naqty áleýmettik-ekonomikalyq jaǵdai arasynda qarama-qaishylyq aiqyn baiqalady. Muny ashyq aitaiyq. Bul jaǵdaidy premer-ministrdiń orynbasary Qanat Bozymbaevtyń, sonymen qatar, ákim Marat Sultanǵazievtiń tarapynan jiberilgen olqylyq dep sanaimyn. Jańa energiia qýaty kózderin keńeitý men iske qosý qajettigi – eldik deńgeidegi másele. Mamandardyń basym bóligi energiia tapshylyǵy máselesiniń negizgi sheshimi jańa generatsiiany iske qosý dep biledi. Pikirtalastyń barlyǵy eki aspektige – qansha jáne qandai elektr stantsiialaryn salý qajet degen saýalǵa kelip tireledi. Biz qashanda talqylaýǵa daiyn turamyz. Biraq qazirgi ýaqytta elimiz energiiany qanshalyqty kóptep joǵaltyp otyr degen negizgi saýaldy eshkim qozǵamaidy", - dedi Prezident.
