Sońǵy onshaqty jyldyń kóleminde islam elderin haos jailai bastady. Biz qysqartyp aityp otyrmyz. Islam álemin jailaǵan jegi qurttyń ómir súrgenine birneshe ǵasyr ótkenin aitýshylar kóp. Bir kezderi Islam filosofiiasy órkendep, ǵylym men bilimge qushtarlyq artyp, Batysty parasatymen tánti etken órkeniettiń tyǵyryqqa tirelgenine sený qiyn. «Bizge ne boldy?» degen suraqty óz ózine qansha qoiǵanymen, jaýabyn taba alar emes.
Islam elderindegi alaýyzdyq, dini toptardyń kikiljińi, ártúrli aǵymdar arasyndaǵy bitispes jaýlyq ýaqyt ótken saiyn qyzyp keledi. Syrttan mai quiýshylardyń otty laýlata túsip, ózderi ystyǵyna qol jylytyp otyrǵanyn da baiqaisyz. Biraq, nege sonyń aldyn ala almai otyr? Nege Islam elderiniń ortaq mámilemesi joq? Nege islam atyn jamylǵan toptar lańkestik jasaýǵa úiir? Munyń myńdaǵan sebebi bar. Biriniń sheshimin tapsa, ekinshisi shielenise túsedi. Shyrmaýyqsha shatylǵan bul qaýipten qutylar kún jaqyn ýaqta bola qoimaityn sekildi. Sonyń bir kórinisi, ózderine «Islam memleketi» degen at qoiyp, Iraktyń iri qalalaryn menshigine alǵan, Siriianyń birneshe shaharyn ózderine qaratqan lańkestik uiym. Bularda musylmandyq sipattyń birde biri joq. Balany da, kárini de aiamaidy, aldyna turǵannyń bárin atyp-shaýyp, asyp, óltirip keledi. Myńdaǵan adamdardy qyryp, júz myńdaǵan halyqty bosqyndarǵa ainaldyrdy. Aitatyndary Batysqa qarsy jihad jasaý, Islam derjavasyn qurý. Biraq izgiligi, imany joq top memleket basqara ala ma? O zamanda bu zaman, Islam mundai soraqy áreketti qoldaǵan emes. Qoldamaidy da. Batys pen Shyǵys arasyndaǵy teketirestiń deni dinaralyq qaqtyǵystan týyndaǵan bolatyn. Qazirde sondai úrdis baiqalady. «Islam memleketiniń» oiy múldem basqada sekildi. Olar tutas Islam álemin haosqa ainaldyrýdy kózdeitindei. Arab álemindegi birneshe tóńkeristiń sońy osyǵan alyp keldi. Batys elderi Shyǵysqa demokratiialyq qundylyqtaryn tańbaqshy bolǵanymen, odan túser qyrýar qarjyny da esepke alǵanymen, dál bulai ýshyǵaryn oilamasa kerek. Sebebi, bul órttiń bir sheti Eýropany da sharpymai turmaidy. Saddam Húseiin ketkenimen, onyń ornyna myńdaǵan Saddamdar paida boldy. Ben Laden joq, endi tutas «memleket» bar. Eń qaýiptisi, bul topqa engenderdiń geografiialyq aýmaǵy óte úlken. Ár elden, ár jerden qosylǵan qyryq quraý jankeshtiler. Eýropanyń ózinen osy jihadqa attanǵandardyń sany edáýir. Siriianyń bosqyndary Túrkiiaǵa aǵylýda. Iraktyń turǵyndary Iran, Kýveit, taǵy basqa elderge bas saýǵalap ketken. Eýropa elderine qonys tepken arabtar onsyzda kóp, endi odan da kóbeiýi yqtimal. Bul áleýmettik, dini, saiasi shielenisti arttyrmasa, báseńdetpeidi.
«Islam memleketiniń» oiy múldem basqada sekildi. Olar tutas Islam álemin haosqa ainaldyrýdy kózdeitindei. Arab álemindegi birneshe tóńkeristiń sońy osyǵan alyp keldi. Batys elderi Shyǵysqa demokratiialyq qundylyqtaryn tańbaqshy bolǵanymen, odan túser qyrýar qarjyny da esepke alǵanymen, dál bulai ýshyǵaryn oilamasa kerek
[caption id="attachment_8283" align="alignright" width="424"]
Aitpaqshy, bul soǵysqa attanǵan Ortalyq Aziialyq jankeshtiler de jeterlik. Byltyr Siriiaǵa ketken qazaqstandyqtyń taǵdyry ne bolǵany belgisiz. Jýyrda Ózbekstandyq islam qozǵalystary atalmysh uiymǵa bet burǵany týraly aqparat shyqty. Qyrǵyzstandyqtardyń ishinde de osy maidanǵa attanǵandardyń barlyǵy málim boldy. Tájikstan onsyz da ot pen oqqa jaqyn... Demek, islam álemin jailaǵan haostan erterek saqtanǵan abzal. Ol úshin eń aldymen aqparat quraldary arqyly dintanýshylar, islamnyń tarihyn, ózegin, qaǵidattaryn jaqsy biletin mamandar, gýmanist ǵalymdar ortaq ýájben tize qosyp, bul órttiń túpki shyǵý tegin jiirek halyqqa túsindirgenderi jón. Memleket, Din isteri agenttigi, Qazaqstan musylmandary dini basqarmasy bul sharany erterek qolǵa alǵandary quba-qup. Áitpese, internettik resýrstardy óz maqsattaryna jumsaýdy jetik meńgergen toptyń shyrǵasyna túsetin jastardyń bolmasyna kim kepil?! Jastar Siriia maidanynda oqqa ushpaýy úshin, el ishin búlik jailamaýy úshin bul asa qajetti shara bolmaqshy.
Nasyr BAQSERIK
