Qorǵanys ministrligi Qairat Satybaldynyń Baýyrjan Momyshuly atyndaǵy Áskeri kolledj kýrsanttarymen kezdesýin uiymdastyrmaǵan. Bul týraly Májilis dálizinde qorǵanys vitse-ministri Darhan Ahmediev aitty, dep habarlaidy dalanews.kz.
Onyń sózinshe, kolledjde oqý ornynyń 40 jyldyǵyna arnalǵan shara ótken. Kezdesýdiń baǵdarlamasy men shaqyrylǵan qonaqtardy burynǵy túlekter ózderi uiymdastyrǵan.
Vitse-ministr Satybaldynyń kýrsanttarǵa eshqandai dáris oqymaǵanyn da atap ótti.
Jýrnalister kolledj basshylyǵy osy jaǵdaidan keiin jaýapqa tartyla ma dep suraǵanda, Ahmediev tiisti sheshim qabyldanǵanyn jetkizdi.
"Jaza qoldanyldy. Qatelespesem, qyzmetinen bosatyldy", – dedi ol.
Aita keteiik, Qairat Satybaldy buǵan deiin kinásin moiyndap, memleketke zańsyz alynǵan júzdegen milliard teńgeniń aktivterin qaitarǵan bolatyn. 2024 jyldyń tamyzynda sot onyń túrmede ótelmegen jaza merzimin bas bostandyǵyn shekteý jazasyna aýystyrǵan edi.
