قورعانىس مينيسترلٸگٸ قايرات ساتىبالدىنىڭ باۋىرجان مومىشۇلى اتىنداعى ەسكەري كوللەدج كۋرسانتتارىمەن كەزدەسۋٸن ۇيىمداستىرماعان. بۇل تۋرالى مەجٸلٸس دەلٸزٸندە قورعانىس ۆيتسە-مينيسترٸ دارحان احمەديەۆ ايتتى, دەپ حابارلايدى dalanews.kz.
ونىڭ سٶزٸنشە, كوللەدجدە وقۋ ورنىنىڭ 40 جىلدىعىنا ارنالعان شارا ٶتكەن. كەزدەسۋدٸڭ باعدارلاماسى مەن شاقىرىلعان قوناقتاردى بۇرىنعى تٷلەكتەر ٶزدەرٸ ۇيىمداستىرعان.
ۆيتسە-مينيستر ساتىبالدىنىڭ كۋرسانتتارعا ەشقانداي دەرٸس وقىماعانىن دا اتاپ ٶتتٸ.
جۋرناليستەر كوللەدج باسشىلىعى وسى جاعدايدان كەيٸن جاۋاپقا تارتىلا ما دەپ سۇراعاندا, احمەديەۆ تيٸستٸ شەشٸم قابىلدانعانىن جەتكٸزدٸ.
"جازا قولدانىلدى. قاتەلەسپەسەم, قىزمەتٸنەن بوساتىلدى", – دەدٸ ول.
ايتا كەتەيٸك, قايرات ساتىبالدى بۇعان دەيٸن كٸنەسٸن مويىنداپ, مەملەكەتكە زاڭسىز الىنعان جٷزدەگەن ميلليارد تەڭگەنٸڭ اكتيۆتەرٸن قايتارعان بولاتىن. 2024 جىلدىڭ تامىزىندا سوت ونىڭ تٷرمەدە ٶتەلمەگەن جازا مەرزٸمٸن باس بوستاندىعىن شەكتەۋ جازاسىنا اۋىستىرعان ەدٸ.
