Jýrnalist Botagóz Omarovaǵa qatysty qozǵalǵan qylmystyq is toqtatyldy, dep habarlaidy dalanews.kz.
Jýrnalistiń Telegram-arnasynda “VD Stroi-injiniring” kompaniiasy men onyń jetekshisi Azamat Ósimbekovke qatysty buryn jariialanǵan málimetterge bailanysty málimdeme shyqty.
Jariialanǵan aqparatta Botagóz Omarovanyń kompaniianyń “qaryzy joq ekenin rastaityn qujattarmen” tanysqanyna qaramastan, “shyndyqqa sáikes kelmeitin málimet jariialaǵany” aitylǵan.
Sonymen qatar jazbada buǵan deiin taraǵan aqparattyń teriske shyǵarylǵany kórsetilgen.
