Qańtarda elde jyldyq infliatsiia jedeldep, 8,9% boldy (2024 jylǵy jeltoqsanda – 8,6%). Jyldyq infliatsiia 14 óńirde qarqyn alyp, 6 óńirde ózgerissiz qaldy. Bul týraly Ulttyq Banktiń baspasóz qyzmeti aqparat taratty, dep jazady Dalanews.kz.
Jyldyq infliatsiianyń eń joǵary máni Astana qalasynda tirkeldi.
Qańtarda azyq-túlik taýarlarynyń baǵasy j/j 5,8%-ǵa deiin ósti (2024 jylǵy jeltoqsanda – 5,5%). Osy toptaǵy taýarlardyń baǵasy Jetisý oblysynda (7,9%) maksimaldy, Túrkistan oblysynda (3,3%) minimaldy ósim kórsetti.
Azyq-túlikke jatpaityn taýarlar baǵasynyń ósý qarqyny 8,4%-ǵa deiin jedeldedi (2024 jylǵy jeltoqsanda – 8,3%). Eń joǵary mán Túrkistan oblysynda (13,1%), eń tómengi mán Pavlodar oblysynda (5,7%) tirkeldi.
Qańtarda aqyly qyzmetter baǵasynyń j/j ósý qarqyny 13,8%-ǵa deiin jedeldedi (2024 jylǵy jeltoqsanda – 13,3%). Sonymen qatar Astana qalasynda (17,8%) baǵa jalpy respýblikalyq deńgeiden birshama joǵary, Túrkistan oblysynda (9,3%) aitarlyqtai tómen ósti.
Bul rette, el boiynsha ailyq infliatsiianyń ósý qarqyny qańtarda 1,1%-dy qurady.
Buǵan deiin saitymyzda "HVQ men Dúniejúzilik bank Qazaqstan ekonomikasy týraly: Shuǵyl reformalar júrgizý kerek" degen maqala jariialanǵan.Keltirilgen derekterge sáikes, Dúniejúzilik bank Qazaqstanda infliatsiia 2025 jyly 7,5–8,0%-ǵa deiin jáne 2026 jyly 6,0%-ǵa deiin tómendeidi dep boljaidy. Al Halyk Finance jyl sońyna deiin,kerisinshe bul kórsetkish 9,0%-ǵa kóteriledi dep bajailaidy.
