23 jastaǵy Iana Legkodimovany óltirgeni úshin sottalǵan Rizýan Qaiyrjanov pen Altynbek Qatimov tótenshe qaýipsizdik deńgeiindegi "Qara búrkit" koloniiasyna jetkizildi, dep habarlaidy Dalanews.kz.
Qylmystyq-atqarý júiesi komiteti málimetinshe, sottalǵandar zańda belgilengen tártipke sáikes jazasyn óteý ornyna jiberilgen.
Aita keteiik, 23 jastaǵy Iana Legkodimova 2024 jyly 19 qazanǵa qaraǵan túni óltirilgen. Qyzdyń súiegi segiz ai ótken soń Jaiyq ózeni jaǵasynan tabyldy.
20 qazanda politsiiaǵa qyzdyń anasynan onyń habar-osharsyz ketkeni jóninde habar túsken. Keiin onyń ólimine qatysty qos kúdikti sot úkimimen ómir boiyna bas bostandyǵynan aiyryldy.
Eske salaiyq, buǵan deiin Atyraýda Iana Legkodimovanyń ólimine qatysty is boiynsha sottalǵan Rizýan Qaiyrjanov pen Altynbek Qatimov apelliatsiialyq aryz bergenin jazdyq.
