28 aqpanda “Bolashaq” shahtasynda bolǵan tótenshe jaǵdai kezinde tórt jumysshy jaraqat aldy. Burǵylaý jumystary kezinde shahtada qysqa merzimdi aýa janýy oryn alyp, saldarynan kenshiler ártúrli dárejedegi kúiik aldy. Oqiǵa bolǵan sátte shahtada 228 adam jumys istep jatqan, olardyń barlyǵy dereý evakýatsiialandy, al shahta jumysy ýaqytsha toqtatyldy, dep habarlaidy Dalanews.kz.
Zardap shekken eki adam Hromtaý aýdandyq aýrýhanasynyń travmatologiia bólimine jatqyzyldy, bireýi úiine jiberildi, al taǵy bir jumysshynyń jaǵdaiy aýyr bolǵandyqtan reanimatsiiaǵa jatqyzylyp, keiin sanitarlyq aviatsiiamen oblystyq kópbeiindi aýrýhanaǵa jetkizildi.
“Naýqasqa shuǵyl meditsinalyq kómek kórsetilip, kúiik shalý saldaryn emdeý sharalary júrgizildi. Ol ókpeni jasandy jeldetý apparatyna qosyldy, alaida 7 naýryzda kóz jumdy”, – dep habarlady Densaýlyq saqtaý basqarmasy.
Hromtaý aýdandyq aýrýhanasynyń málimetinshe, jaraqat alǵan eki jumysshy úiine shyǵarylǵan.
Qazirgi ýaqytta politsiia oqiǵaǵa qatysty “Taý-ken nemese qurylys jumystary kezinde qaýipsizdik erejelerin buzý” baby boiynsha sotqa deiingi tergeý júrgizip jatyr.
