28 اقپاندا “بولاشاق” شاحتاسىندا بولعان تٶتەنشە جاعداي كەزٸندە تٶرت جۇمىسشى جاراقات الدى. بۇرعىلاۋ جۇمىستارى كەزٸندە شاحتادا قىسقا مەرزٸمدٸ اۋا جانۋى ورىن الىپ, سالدارىنان كەنشٸلەر ەرتٷرلٸ دەرەجەدەگٸ كٷيٸك الدى. وقيعا بولعان سەتتە شاحتادا 228 ادام جۇمىس ٸستەپ جاتقان, ولاردىڭ بارلىعى دەرەۋ ەۆاكۋاتسييالاندى, ال شاحتا جۇمىسى ۋاقىتشا توقتاتىلدى, دەپ حابارلايدى Dalanews.kz.
زارداپ شەككەن ەكٸ ادام حرومتاۋ اۋداندىق اۋرۋحاناسىنىڭ تراۆماتولوگييا بٶلٸمٸنە جاتقىزىلدى, بٸرەۋٸ ٷيٸنە جٸبەرٸلدٸ, ال تاعى بٸر جۇمىسشىنىڭ جاعدايى اۋىر بولعاندىقتان رەانيماتسيياعا جاتقىزىلىپ, كەيٸن سانيتارلىق اۆياتسييامەن وبلىستىق كٶپبەيٸندٸ اۋرۋحاناعا جەتكٸزٸلدٸ.
“ناۋقاسقا شۇعىل مەديتسينالىق كٶمەك كٶرسەتٸلٸپ, كٷيٸك شالۋ سالدارىن ەمدەۋ شارالارى جٷرگٸزٸلدٸ. ول ٶكپەنٸ جاساندى جەلدەتۋ اپپاراتىنا قوسىلدى, الايدا 7 ناۋرىزدا كٶز جۇمدى”, – دەپ حابارلادى دەنساۋلىق ساقتاۋ باسقارماسى.
حرومتاۋ اۋداندىق اۋرۋحاناسىنىڭ مەلٸمەتٸنشە, جاراقات العان ەكٸ جۇمىسشى ٷيٸنە شىعارىلعان.
قازٸرگٸ ۋاقىتتا پوليتسييا وقيعاعا قاتىستى “تاۋ-كەن نەمەسە قۇرىلىس جۇمىستارى كەزٸندە قاۋٸپسٸزدٸك ەرەجەلەرٸن بۇزۋ” بابى بويىنشا سوتقا دەيٸنگٸ تەرگەۋ جٷرگٸزٸپ جاتىر.
