Halyqaralyq izdeýde bolǵan atyraýlyq haker Túrkıanyń Samson qalasynda ustaldy, dep habarlaıdy Dalanews.kz.

Atyraý oblystyq prokýratýrasynyń málimetinshe, ol birneshe alaıaqtyq deregi boıynsha kúdikke ilingen. Tergeý nusqasyna sáıkes, er adam ınternet arqyly adamdarǵa ınvestısıa salý, IT salasynda oqytý, buǵattalǵan akkaýnttardy qalpyna keltirý jáne qarajatty shyǵaryp alýǵa kómektesý sıaqty qyzmetter usynyp, sol arqyly senimine kirip, aldap kelgen.

“Aldyn ala esep boıynsha, keltirilgen jalpy shyǵyn kólemi 13 mıllıon teńgeden asady”, — deıdi prokýratýra.

Qańtar aıynda Atyraý qalalyq soty kúdiktige qatysty syrttaı qamaýǵa alý túrindegi bultartpaý sharasyn sanksıalaǵan. Osydan keıin oǵan halyqaralyq izdeý jarıalanǵan. Aqpan aıynda onyń Túrkıa aýmaǵynda júrgeni anyqtalyp, sol jerde ustalǵan.

Qazirgi ýaqytta Qazaqstannyń Bas prokýratýrasy kúdiktini elge ekstradısıalaý úshin qajet qujattardy ázirlep jatyr.

Aıta keteıik, buǵan deıin ol áleýmettik jelilerde Atyraý oblysynda joǵalǵan bir otbasynyń isin jeke zerttep júrgeni týraly vıdeolar jarıalap, kópshilik nazaryn aýdarǵan.