حالىقارالىق ٸزدەۋدە بولعان اتىراۋلىق حاكەر تٷركييانىڭ سامسون قالاسىندا ۇستالدى, دەپ حابارلايدى Dalanews.kz.
اتىراۋ وبلىستىق پروكۋراتۋراسىنىڭ مەلٸمەتٸنشە, ول بٸرنەشە الاياقتىق دەرەگٸ بويىنشا كٷدٸككە ٸلٸنگەن. تەرگەۋ نۇسقاسىنا سەيكەس, ەر ادام ينتەرنەت ارقىلى ادامدارعا ينۆەستيتسييا سالۋ, IT سالاسىندا وقىتۋ, بۇعاتتالعان اككاۋنتتاردى قالپىنا كەلتٸرۋ جەنە قاراجاتتى شىعارىپ الۋعا كٶمەكتەسۋ سيياقتى قىزمەتتەر ۇسىنىپ, سول ارقىلى سەنٸمٸنە كٸرٸپ, الداپ كەلگەن.
“الدىن الا ەسەپ بويىنشا, كەلتٸرٸلگەن جالپى شىعىن كٶلەمٸ 13 ميلليون تەڭگەدەن اسادى”, — دەيدٸ پروكۋراتۋرا.
قاڭتار ايىندا اتىراۋ قالالىق سوتى كٷدٸكتٸگە قاتىستى سىرتتاي قاماۋعا الۋ تٷرٸندەگٸ بۇلتارتپاۋ شاراسىن سانكتسييالاعان. وسىدان كەيٸن وعان حالىقارالىق ٸزدەۋ جارييالانعان. اقپان ايىندا ونىڭ تٷركييا اۋماعىندا جٷرگەنٸ انىقتالىپ, سول جەردە ۇستالعان.
قازٸرگٸ ۋاقىتتا قازاقستاننىڭ باس پروكۋراتۋراسى كٷدٸكتٸنٸ ەلگە ەكستراديتسييالاۋ ٷشٸن قاجەت قۇجاتتاردى ەزٸرلەپ جاتىر.
ايتا كەتەيٸك, بۇعان دەيٸن ول ەلەۋمەتتٸك جەلٸلەردە اتىراۋ وبلىسىندا جوعالعان بٸر وتباسىنىڭ ٸسٸن جەكە زەرتتەپ جٷرگەنٸ تۋرالى ۆيدەولار جارييالاپ, كٶپشٸلٸك نازارىن اۋدارعان.
