Almanyń otany sanalatyn Almaty shaharynyń tórinde, Alataý baýraiynda «Alma kúnin» atap ótý dástúrge ainalyp keledi. Biyl da ataýly mereke jalǵasyn tapty. Qalanyń úzdik aspazdary almanyń alýan túrinen 1000-ǵa jýyq dám ázirlep, qala turǵyndaryna usyndy, dep habarlaidy Dalanews.kz.
Prezident Is basqarmasyna qarasty «Almaty Resort» shipajaiynda dástúrli alma festivali ótti.
Saltanatty is-sharaǵa estrada ánshileri qatysyp, merekelik kóńil kúi syilady.
Merekelik jiynda túrli saiys ótip, kópshilikke qolóner buiymdary kórsetildi.
«Halyqaralyq alma kúnine orai bizdiń aspazdar jańa pisken almadan 1000 túrli konditerlik ónim daiyndady. Merekeniń erekshe bezendirilýi alma murajaiynyń installiatsiiasy, is-sharanyń ár buryshy almanyń bai tarihy men aimaq mádenieti týraly baiandap tur. Bul mereke biyl ekinshi ret uiymdastyrylyp otyr. Muny dástúrge ainaldyrmaqpyz», — deidi shipajai direktory Gúljanat Buǵybaeva.
Shipajai direktorynyń aitýynsha, alma merekesin ótkizýdiń maqsaty- demalýshylar men kelýshilerge kóterińki kóńil-kúi syilaý. Sondai-aq jemis tarihyn nasihattaý.
