المانىڭ وتانى سانالاتىن الماتى شاھارىنىڭ تٶرٸندە, الاتاۋ باۋرايىندا «الما كٷنٸن» اتاپ ٶتۋ دەستٷرگە اينالىپ كەلەدٸ. بيىل دا اتاۋلى مەرەكە جالعاسىن تاپتى. قالانىڭ ٷزدٸك اسپازدارى المانىڭ الۋان تٷرٸنەن 1000-عا جۋىق دەم ەزٸرلەپ, قالا تۇرعىندارىنا ۇسىندى, دەپ حابارلايدى Dalanews.kz.
پرەزيدەنت ٸس باسقارماسىنا قاراستى «Almaty Resort» شيپاجايىندا دەستٷرلٸ الما فەستيۆالٸ ٶتتٸ.
سالتاناتتى ٸس-شاراعا ەسترادا ەنشٸلەرٸ قاتىسىپ, مەرەكەلٸك كٶڭٸل كٷي سىيلادى.
مەرەكەلٸك جيىندا تٷرلٸ سايىس ٶتٸپ, كٶپشٸلٸككە قولٶنەر بۇيىمدارى كٶرسەتٸلدٸ.
«حالىقارالىق الما كٷنٸنە وراي بٸزدٸڭ اسپازدار جاڭا پٸسكەن المادان 1000 تٷرلٸ كونديتەرلٸك ٶنٸم دايىندادى. مەرەكەنٸڭ ەرەكشە بەزەندٸرٸلۋٸ الما مۇراجايىنىڭ ينستاللياتسيياسى, ٸس-شارانىڭ ەر بۇرىشى المانىڭ باي تاريحى مەن ايماق مەدەنيەتٸ تۋرالى بايانداپ تۇر. بۇل مەرەكە بيىل ەكٸنشٸ رەت ۇيىمداستىرىلىپ وتىر. مۇنى دەستٷرگە اينالدىرماقپىز», — دەيدٸ شيپاجاي ديرەكتورى گٷلجانات بۇعىباەۆا.
شيپاجاي ديرەكتورىنىڭ ايتۋىنشا, الما مەرەكەسٸن ٶتكٸزۋدٸڭ ماقساتى- دەمالۋشىلار مەن كەلۋشٸلەرگە كٶتەرٸڭكٸ كٶڭٸل-كٷي سىيلاۋ. سونداي-اق جەمٸس تاريحىن ناسيحاتتاۋ.
