شىعىس قازاقستان وبلىسىنىڭ زايسان جەنە تارباعاتاي اۋداندارىنداعى ٷيدەنە جەنە قاندىسۋ سۋ قويمالارى اپاتتى نىساندار قاتارىنا ەندٸ. مامانداردىڭ مەلٸمەتٸنشە, گيدروتەحنيكالىق قۇرىلىستاردىڭ توزۋ دەڭگەيٸ شامامەن 70 پايىزعا جەتكەن. بٶگەتتەرگە 60 جىلدان استام ۋاقىت بويى كٷردەلٸ جٶندەۋ جٷرگٸزٸلمەگەن, دەپ حابارلايدى dalanews.kz.
Tv7.kz مەلٸمەتٸنشە, وسىعان بايلانىستى بيٸكتٸگٸ توعىز قاباتتى ٷيمەن شامالاس بٶگەتتەر قازٸر تولىق قۋاتىندا پايدالانىلماي وتىر. نەتيجەسٸندە ٶڭٸردەگٸ سۋارمالى ەگٸستٸك القاپتارىنىڭ كٶلەمٸ ايتارلىقتاي قىسقارعان.
زايسان اۋدانى ەكٸمٸنٸڭ ورىنباسارى ەرمەك قوراباەۆتىڭ ايتۋىنشا, ٷيدەنە سۋ قويماسىنىڭ جالپى سىيىمدىلىعى 75 ملن تەكشە مەتردٸ قۇرايدى. الايدا ەرتٸس باسسەيندٸك ينسپەكتسيياسىنىڭ رۇقساتىنا سەيكەس, قازٸرگٸ تاڭدا قويمادا نەبەرٸ 46 ملن تەكشە مەتر سۋ عانا جينالعان.
ال ٷيدەنە بٶگەتٸن قالپىنا كەلتٸرۋ جوباسى بٸرنەشە رەت تەحنيكالىق كەمشٸلٸكتەرگە بايلانىستى ماقۇلدانباي قالعان. سوعان قاراماستان, «قازسۋشار» ماماندارى بيىلعى قازان ايىنا دەيٸن جٶندەۋ-قالپىنا كەلتٸرۋ جۇمىستارىنىڭ تٷپكٸلٸكتٸ جوسپارىن بەكٸتٸپ, جوبانى مەملەكەتتٸك قارجىلاندىرۋعا ۇسىنۋدى كٶزدەپ وتىر.
شقو بويىنشا «قازسۋشار» فيليالى بٶلٸمٸنٸڭ باسشىسى ديلارا جانبولاتوۆانىڭ مەلٸمدەۋٸنشە, جوبالىق-سمەتالىق قۇجاتتاماعا تٷزەتۋلەر ەنگٸزٸلٸپ, مەملەكەتتٸك ساراپتاماعا جولدانعان. الايدا جوبا تەرٸس قورىتىندى العاندىقتان, جوبالاۋشى ۇيىممەن جاسالعان كەلٸسٸمشارت بۇزىلعان. قازٸرگٸ ۋاقىتتا قۇجاتتامانى «قازسۋشار» مەكەمەسٸنٸڭ ماماندارى ٶز كٷشٸمەن قايتا پىسىقتاپ جاتىر.
ال قاندىسۋ سۋ قويماسى بويىنشا قايتا جاڭعىرتۋ جۇمىستارىنىڭ ەگجەي-تەگجەيلٸ جوسپارى ەزٸرلەنٸپ قويعان.
