2026 jyldyń alǵashqy úsh aiynyń qorytyndysy boiynsha Qazaqstannyń Reseige syra eksporty aitarlyqtai ósken. Qańtar-naýryz aralyǵynda qazaqstandyq óndirýshiler kórshi el naryǵyna 2,7 million dollardyń ónimin jetkizgen. Bul ótken jyldyń sáikes kezeńimen salystyrǵanda shamamen eki esege kóp, dep habarlaidy dalanews.kz.
Eksport kóleminiń artýy Qazaqstannyń Reseige syra jetkizetin negizgi elder reitingindegi ornyn jaqsartýǵa múmkindik berdi. Eger bir jyl buryn respýblika segizinshi orynda bolsa, biyl ekinshi orynǵa deiin kóterilgen.
Resei naryǵyndaǵy kóshbasshylyqty burynǵydai Qytai saqtap otyr. Úsh ai ishinde qytailyq syra jetkiziliminiń kólemi 9,9 million dollarǵa jetip, ótken jylmen salystyrǵanda úshten birine jýyq ósken.
Úzdik úshtikti Armeniia túiindeidi. Al buǵan deiin ekinshi orynda bolǵan Germaniianyń kórsetkishi kúrt tómendep, eksport kólemi alty eseden astam qysqarǵan. Sonyń nátijesinde el tórtinshi orynǵa syrǵydy.
Belgiia da Reseige syra jetkizý kólemin aitarlyqtai azaitqan. El eksporty shamamen tórt esege tómendep, reitingte besinshi orynǵa turaqtady.
Sarapshylar Resei naryǵyndaǵy jetkizilim qurylymynyń ózgerýin Eýropa elderiniń eksport kóleminiń qysqarýymen jáne balama naryqtardan keletin ónim úlesiniń artýymen bailanystyrady.
