Atyraýda tórt adamdy óltirdi dep aiyptalǵan Sultan Sársemálievke qatysty sot protsesi jalǵasyp jatyr. 15 maýsymdaǵy sot otyrysynda aiyptalýshyǵa sóz berildi, dep habarlaidy dalanews.kz.
Sotta Sársemáliev qylmystan keiin qaida barǵanyn aityp berdi. Onyń sózinshe, ol 2025 jyldyń qarasha aiynda jalǵyz ózi Mekkege barǵan.
Aiyptalýshy óz sózinde bul saparǵa Qudaidan keshirim suraý úshin shyqqanyn jetkizdi.
"Ólsem de Qudaidan keshirim surap óleiinshi dedim. Basym aýǵan jaqqa kettim. Túrkiia arqyly Mekkege bardym", – dedi Sársemáliev sotta.