Úkimet otyrysynda premer-ministr Oljas Bektenov "Qazaqstan temir joly" kompaniiasynyń tranzittik tasymal kórsetkishterine qatysty syn aitty, dep habarlaidy dalanews.kz.
Jiyn barysynda "Qazaqstan temir joly" AQ basqarma tóraǵasy Talǵat Aldybergenov atqarylǵan jumystar jóninde baiandama jasady. Alaida premer-ministr josparly kórsetkishterdiń oryndalý qarqynyna kóńili tolmaitynyn jetkizdi.
Bektenovtiń aitýynsha, kompaniia aldynda tranzittik júk tasymaly kólemin 55 million tonnaǵa jetkizý mindeti tur. Biraq qazirgi nátije belgilengen jospardan aitarlyqtai tómen.
"Qazir tranzittik tasymal kólemi boiynsha shamamen 30 paiyzǵa qalyp kelesizder. Jospardaǵy 23 million tonnanyń ornyna nebári 16 million tonna júk tasymaldanǵan. Sondyqtan bul mindettiń oryndalýy úshin jeke jaýapkershilik ózińizge júkteledi", – dedi premer-ministr.
Óz kezeginde QTJ basshysy aitylǵan eskertýdi qabyldaitynyn qysqasha jetkizdi. "Qabyldandy", – dep jaýap berdi Talǵat Aldybergenov.
