Soltústik Qazaqstan oblysynyń Olshanka aýylynda órtten kóz jumǵan bes jasar qyzdyń anasy qamaýǵa alyndy. Bul týraly Senat dálizinde ishki ister ministriniń orynbasary Sanjar Ádilov málimdedi, dep habarlaidy Dalanews.kz.
Onyń aitýynsha, áielge qatysty kámeletke tolmaǵan balany qaýipti jaǵdaida qaldyrý deregi boiynsha qylmystyq is qozǵalǵan.
"Soltústik Qazaqstan oblysynda anasy balasyn úide jalǵyz qaldyrǵan, keiin órt shyqqan. Osy derek boiynsha balany qaýipti jaǵdaida qaldyrý babymen qylmystyq is tirkeldi. SQO turǵyny qamaýǵa alyndy", – dedi Sanjar Ádilov.
Eske salaiyq, buǵan deiin SQO-da bes jasar qyz qulyptaýly úide tiridei janyp ketkeni habarlandy.
Oqiǵa 18 qańtarda keshki ýaqytta Olshanka aýylynda bolǵan. Qutqarýshylar oqiǵa ornyna jetken kezde úidi ot tolyq sharpyǵan, al shatyr opyrylyp túsken. Órtti sóndirý kezinde úi ishinen bala tabylǵan.
