سولتٷستٸك قازاقستان وبلىسىنىڭ ولشانكا اۋىلىندا ٶرتتەن كٶز جۇمعان بەس جاسار قىزدىڭ اناسى قاماۋعا الىندى. بۇل تۋرالى سەنات دەلٸزٸندە ٸشكٸ ٸستەر مينيسترٸنٸڭ ورىنباسارى سانجار ەدٸلوۆ مەلٸمدەدٸ, دەپ حابارلايدى Dalanews.kz.
ونىڭ ايتۋىنشا, ەيەلگە قاتىستى كەمەلەتكە تولماعان بالانى قاۋٸپتٸ جاعدايدا قالدىرۋ دەرەگٸ بويىنشا قىلمىستىق ٸس قوزعالعان.
"سولتٷستٸك قازاقستان وبلىسىندا اناسى بالاسىن ٷيدە جالعىز قالدىرعان, كەيٸن ٶرت شىققان. وسى دەرەك بويىنشا بالانى قاۋٸپتٸ جاعدايدا قالدىرۋ بابىمەن قىلمىستىق ٸس تٸركەلدٸ. سقو تۇرعىنى قاماۋعا الىندى", – دەدٸ سانجار ەدٸلوۆ.
ەسكە سالايىق, بۇعان دەيٸن سقو-دا بەس جاسار قىز قۇلىپتاۋلى ٷيدە تٸرٸدەي جانىپ كەتكەنٸ حابارلاندى.
وقيعا 18 قاڭتاردا كەشكٸ ۋاقىتتا ولشانكا اۋىلىندا بولعان. قۇتقارۋشىلار وقيعا ورنىنا جەتكەن كەزدە ٷيدٸ وت تولىق شارپىعان, ال شاتىر وپىرىلىپ تٷسكەن. ٶرتتٸ سٶندٸرۋ كەزٸندە ٷي ٸشٸنەن بالا تابىلعان.
