Ulttyq ekonomıka mınıstri Nurlan Baıbazarov Májilis dálizinde jýrnalıserge bergen suqbatynda teńge baǵamyna qatysty túsinikteme berdi, dep habarlaıdy Dalanews.kz.

Nurlan Baıbazarov atap ótkendeı, teńge baǵamyna naryqtyq faktorlar áser etýde. Qazirgi ýaqytta shetel valútasyna suranys kúrt artqan, óıtkeni ekonomıkada jobalar júzege asyrylýda jáne jalpy el damý ústinde, halyq ta dollar men evrony kóptep satyp alyp jatyr. 

"Toǵyz aıdyń qorytyndysy boıynsha dollardyń ortasha baǵamy 460 teńgeden sál asty, ıaǵnı biz 460 bolady dep josparlaǵanymyzdaı, qazir baǵam osy dálizde qalyptasqan. Teńge baǵamy qubylmaly, biraq ortasha baǵam saqtalyp tur. Jyl sońyna deıin bizdiń áli de múmkindikterimiz bar (teńgeni nyǵaıtý boıynsha), erteń - qarasha aıynda salyq kezeńi bastalady, bizdiń iri eksporttaýshylarymyz salyq tóleı bastaıdy. Meniń oıymsha, olar valúta aıyrbasy arqyly salyq tóleıdi. Onyń ústine Ulttyq qordan alynatyn transfertter áli de bar. Ulttyq bank konvertteýdi júrgizedi", - dedi Nurlan Baıbazarov.

Osylaısha ol jyl sońyna deıin teńge qatty qunsyzdanbaıtynyn anyq ańǵartty.

Buǵan deıin dollar nege qymbattap jatqanyna qatysty Ulttyq bank basshysynyń bergen túsiniktemesin jazǵan bolatynbyz.