Almaty oblysynyń Kegen aýdanynda adam shoshyrlyq qylmys tirkeldi. Keshe kúndiz otqa órtelgen kúidegi 37 jastaǵy politsiia qyzmetkeriniń máiiti tabylǵan, dep habarlaidy dalanews.kz.
Jýrnalist Mihail Kozachkovtyń málimetinshe, qaza tapqan azamat – Almaty qalasy Áýezov aýdandyq politsiia basqarmasynda qyzmet etken Aslan Álserov.
Quqyq qorǵaý organdary kisi óltirýge qatysy bolýy múmkin degen kúdikpen marqumnyń jubaiy Arailym Álserovany tekserip jatyr. Ol buǵan deiin Almaty qalasynyń Bostandyq aýdandyq politsiia basqarmasynda jumys istegen.
Tergeýshiler erli-zaiyptylardyń 14 jastaǵy uly men onyń kámeletke tolmaǵan dosyna qatysty da mán-jaidy anyqtap jatyr.
Aslan men Arailym Álserovter 15 jyldan astam ýaqyt otasqan. Olar jeti balany tárbielep ósirgen. Otbasy kópshilik arasynda úlgili januia retinde tanylyp, olardyń ómiri týraly telesiýjetter túsirilip, maqalalar jariialanǵan. Atalǵan derek boiynsha «Asa qatygezdikpen, aldyn ala sóz bailasý arqyly adamdar toby jasaǵan adam óltirý» baby boiynsha qylmystyq is qozǵaldy.
Eger kúdik rastalsa, kinálilerge 15 jyldan ómir boiyna deiin bas bostandyǵynan aiyrý jazasy taǵaiyndalýy múmkin.
