الماتى وبلىسىنىڭ كەگەن اۋدانىندا ادام شوشىرلىق قىلمىس تٸركەلدٸ. كەشە كٷندٸز وتقا ٶرتەلگەن كٷيدەگٸ 37 جاستاعى پوليتسييا قىزمەتكەرٸنٸڭ مەيٸتٸ تابىلعان, دەپ حابارلايدى dalanews.kz.
جۋرناليست ميحايل كوزاچكوۆتىڭ مەلٸمەتٸنشە, قازا تاپقان ازامات – الماتى قالاسى ەۋەزوۆ اۋداندىق پوليتسييا باسقارماسىندا قىزمەت ەتكەن اسلان ەلسەروۆ.
قۇقىق قورعاۋ ورگاندارى كٸسٸ ٶلتٸرۋگە قاتىسى بولۋى مٷمكٸن دەگەن كٷدٸكپەن مارقۇمنىڭ جۇبايى ارايلىم ەلسەروۆانى تەكسەرٸپ جاتىر. ول بۇعان دەيٸن الماتى قالاسىنىڭ بوستاندىق اۋداندىق پوليتسييا باسقارماسىندا جۇمىس ٸستەگەن.
تەرگەۋشٸلەر ەرلٸ-زايىپتىلاردىڭ 14 جاستاعى ۇلى مەن ونىڭ كەمەلەتكە تولماعان دوسىنا قاتىستى دا مەن-جايدى انىقتاپ جاتىر.
اسلان مەن ارايلىم ەلسەروۆتەر 15 جىلدان استام ۋاقىت وتاسقان. ولار جەتٸ بالانى تەربيەلەپ ٶسٸرگەن. وتباسى كٶپشٸلٸك اراسىندا ٷلگٸلٸ جانۇيا رەتٸندە تانىلىپ, ولاردىڭ ٶمٸرٸ تۋرالى تەلەسيۋجەتتەر تٷسٸرٸلٸپ, ماقالالار جارييالانعان. اتالعان دەرەك بويىنشا «اسا قاتىگەزدٸكپەن, الدىن الا سٶز بايلاسۋ ارقىلى ادامدار توبى جاساعان ادام ٶلتٸرۋ» بابى بويىنشا قىلمىستىق ٸس قوزعالدى.
ەگەر كٷدٸك راستالسا, كٸنەلٸلەرگە 15 جىلدان ٶمٸر بويىنا دەيٸن باس بوستاندىعىنان ايىرۋ جازاسى تاعايىندالۋى مٷمكٸن.
