Ishki ister ministrligi men Ulttyq qaýipsizdik komitetiniń qyzmetkerleri kórshiles elderden dári-dármekti zańsyz tasymaldaýmen ainalysqan tórt farmatsevtikalyq kompaniianyń qyzmetin toqtatty, dep habarlaidy dalanews.kz.
Tergeý málimetinshe, kúdiktiler dárilerdi kontrabandalyq jolmen ákelip qana qoimai, olardy jasyryn tsehtarda qoldan jasap shyǵarǵan. Sonymen qatar uiymdastyrýshylarǵa para alý arqyly qamqorlyq kórsetken Farmatsevtikalyq baqylaý departamentiniń laýazymdy tulǵalary anyqtalyp, ustaldy.
Taýar ainalymy men qarjy qozǵalysyna júrgizilgen taldaý kontrabandalyq jáne qoldan jasalǵan ónimderdi ótkizýge qatysty kóleńkeli shemalardyń bolǵanyn rastady. Aldyn ala esep boiynsha, ótken jyly memleketke 800 million teńgeden astam salyq tólenbegen.
Qylmystyq shemany uiymdastyrdy degen kúdikke ilingender men olardyń sybailastary ýaqytsha ustaý izoliatoryna qamaldy. Qazir sotqa deiingi tergep-tekserý jalǵasyp jatyr.
