Memleketke, Ulttyq bankke qaryz bankterdiń basqarma múshelerine jáne sondai banktermen bailanysty taraptarǵa dividendter men bonýstar tóleýge tyiym salyndy, sondai-aq mundai bankterge ákimshilik shyǵystaryn arttyrýǵa da shekteý qoiyldy, dep habarlaidy Dalanews.kz QR Qarjy naryǵyn retteý jáne damytý agenttigine silteme jasap.
"Sońǵy instantsiiadaǵy zaim (sońǵy satydaǵy qaryzdar – Ulttyq Bankten alynǵan qaryz aqshalar) aqshalaryn paidalanýdy shekteýdiń ornyna basshy qyzmetkerlerge dividendter men bonýstar tóleýge, sondai-aq bankpen bailanysty taraptarǵa qaryzdar men tólemder berýge jáne ákimshilik shyǵystardy ulǵaitýǵa tyiym salyndy", delingen QNRDA-nyń "Bank sektorynyń 2025 jylǵa arnalǵan qadaǵalaý saiasatynyń negizgi basymdyqtary" atty qujatynda.
Ondaǵy aqparatqa sáikes, bankter jumysyndaǵy aqaýlar kezinde tólemge qabiletti bankterdiń ornyqtylyǵy men ótimdiligin qamtamasyz etýde sońǵy satydaǵy qaryzdardy berý tetigin jaqsartý úshin agenttik pen Ulttyq Bank birlese qaýly qabyldady.
Sondai-aq, naryqta joq aktivterdiń sapasyn baǵalaý úshin turaqty AQR nátijelerin paidalaný tásili engiziledi, qamtamasyz etý retinde qabyldanatyn aktivterdiń tizbesi keńeitiledi, bankter usyný úshin qujattar tizbesi edáýir qysqartylady, qujattardy ótkizý protsesi, atap aitqanda elektrondyq túrde usyný múmkindigi jeńildetiledi.
Buǵan deiin saitymyzda "Ókirtip tabys tapsa da memleketten alǵan qaryzyn qaitarmai júrgen qai bankter" degen maqala jariialanǵan bolǵan.
